AHATA: Gobierno ta sigui agrega impuesto sin corta gasto

ORANJESTAD - Gobierno di Aruba ta sigui agrega impuesto sin corta gasto. Asina CEO di AHATA Tisa LaSorte a bisa noticiacla.com diamars mainta. E ta reacciona riba e noticia di ayera cu gobierno a anuncia aumento di deviezenprovisie en bes di introduci sugar tax. "Nos ta spera nos ta mira gobierno corta gasto". "Ta importante pa nota cu e ta un increase di 50% riba e impuesto" LaSorte ta sigui bisa, indicando cu mientras gobierno ta bisa cu e tarifa ta subi cu 0.6, di 1.3 pa 1.9, e costo ta subi cu 50%. E ta impacta tur cos y tur hende, pasobra tur cos ta importa. E impuesto ta paga riba tur cos cu ta paga afor di Aruba. " Esey ta inclui cuminda, etc, locual ta causa inflacion. Y esaki ta un ehempel di un impuesto cu no tabatin notificacion ni dialogo anteriormente" LaSorte a sigui bisa. " No tabatin transparencia. Dus nos ta haña sa di dje ultimo ora, via prensa. Un impuesto cu lo mester bai na vigor aki 2 siman, aparentemente" La Sorte a finalisa bisando.