Minister a firma awe pa legalisa e uso cannabis medicinal

ORANJESTAD - Awe minister Dangui Oduber a firma pa legalisa e uso cannabis medicinal!E proceso pa legalisa cannabis medicinal ta canando for di hopi tempo. Conforme nos acuerdo di gobernacion di partidonan MEP-POR-RED a acorda cu durante e periodo di gobernacion aki lo legalisa e uso di cannabis medicinal. Minister presidente sra Wever Croes a institui un comision pa explora e posibilidadnan y tambe for di algun tempo caba minister Dangui Oduber ta trahando roba esaki. Despues di un periodo di haci tur e preparacionan necesario e momento a yega cu por cuminsa e proceso oficial pa e legalisacion di e uso di cannabis medicinal. Awe minister Dangui Oduber a firma pa e proceso cuminsa pa entrante 2020 tur e productonan cannabis medicinal ta assesibel pa communidad.

Segun Oduber, esaki ta otro logro di e gobierno considerando e hecho cu nunca antes a haci esaki. E mandatario ta bisa cu un gran cantidad di persona ta haci uso di cannabis medicinal pa nan salud y ta importante cu awor ta legalisa esaki. Minister Oduber a haci peticion na departamento huridico pa traha riba e decreto ministerial pa di e forma aki e importacion di e productonan di cannabis medicinal wordo legalisa. E ta enfatisa cu ta trata solamente di legalisacion di uso medicinal y no rercreacional