Video nobo di ‘Don’t text and drive’ a keda lansa awe mainta

ORANJESTAD - Awe mainta New India Assurance y Kiwanis Club of Aruba a lansa e video di fin di aña di e proyecto “JOIN THE MOVEMENT!” “DON’T TEXT & DRIVE”. Na comienso di aña 2019 a ser lansa e prome video cu Alto Comisario di Polis, Sr. Andrew Hoo y e segundo video a enfoca riba Karyme Acosta, un joven atleta cu a destaca den coremento na pia y riba bicicleta y tambe den e deporte di natacion.  

Mescos cu e videonan anterior, un biaha mas e enfoke di e video aki ta ariba un trafico sigur, particularmente di e peliger cu “texting and driving” ta trece cune pa nos sernan keri. New India Assurance, como un di e compania di seguro di auto mas grandi na Aruba, sigur ta mira e peliger y e dolor cu esaki por trece cune. Kiwanis Club of Aruba ja pa hopi aña caba ta trece y lo sigui trece mensahenan di conscientisacion pa asina yuda hunto crea un trafico mas sigur.