AZV a presenta su logo nobo diahuebs

ORANJESTAD - Relacionista Publico, Joost van de Kamp, a presenta e componentenan cu a resulta den un logo nobo pa AZV diahuebs anochi . E ‘fundeshi’ di e logo ta basa riba 3 componente importante, y e componentenan aki ta e tres pilarnan (balki den logo) di AZV cu ta representa 3 punto clave di e vision y mision, esta cuido di calidad, accesibilidad pa tur hende y gastonan aceptabel. Adicionalmente e logo ta inclui 4 triangulo cu ta fungi como flecha cu ora e  ta mustra direccion ‘pariba’ e ta nifica e calidad di cuido mas halto posibel y ‘abou’ ta nifica cuido medico na gastonan aceptabel. E letternan “AZV” ta mescla dentro di e ronchinan den fondo ilustrando e envolvimento di AZV den e comunidad di Aruba.