ORANJESTAD – Director di Utilities NV Richard Eman a admiti na noticiacla.com diahuebs merdia cu a ‘hedge’ (swap) fuel oil pa un aña (2020) pa por a baha tarifa di coriente. Segun Eman, e proceso pa por a yega na e rebaho di tarifa di coriente asina, a cuminsa na WEB Aruba NV. Segun Eman, WEB a anuncia cu nan ta baha nan tarifanan (cu compra di e fuel oil mas barata), cu consecuentemente Elmar su gastonan por bira mas abou. Esey ta pone cu e por comparti e reduction pa pueblo y comercio.
HEDGING
A splica tambe cu a cuminsa cu reduccion di gasto den tur empresa pa loke ta gastonan operacional. E di dos punto ta cu a logra haci un ‘swap’, osea cumpra delanta 75% di heavy fuel oil, cu por wordo considera como hedging na un prijs hopi bon. “Esey tin como consecuencia cu nos por a baha e tarifanan di WEB cu ta cobra Elmar. E dos puntonan aki tabata esencial segun Eman.
DIVIDENDO?
Eman a splica e portal aki cu e companianan di utilidad a cumpli cu tur dos peticion, esta reduci tarifa y entrega mas dividendo na gobierno. Esey no ta nifica cu mester verreken e perdida di dividendo den un gasto extra pa e consumidor. Naturalmente e dos pasonan aki ta afecta otro segun Eman, pero ta logra cumpli cu tur dos punto. Segun Eman, si mester a paga menos dividend, lo por a duna mas na pueblo. Den e caso aki, sinembargo segun Eman a sigui splica, mester a cera presupuesto y a dicidi di cumpli cu peticion di gobierno, mescos cu tur otro compania estatal.
ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.
ORANJESTAD – Diahuebs 14 di maart, Minister di Turismo y Salud Publico Sr. Dangui Oduber a ricibi un invitacion pa bishita Aruba Boutique and Art Hotel cu lo habri nan porta dia 1 di April 2024. Un boutique hotel nobo den curason di Palm Beach cu lo forma parti como miembro di e marca Best Western Signature Collection.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.