WILLEMSTAD – Jose Jardim di Banco Central di Corsou y St Maarten CBCS a bisa diaranson mainta cu ta haciendo tramite pa habri Girobank bek diabierna mas tarda, pa clientenan tin aceso na nan fondonan atrobe. Segun Jardim, e parti di IT mester programa e banco di tal forma pa por regla e asunto bon financieramente. Esey ta nifica cu ta te diabierna clientenan por tin acceso na su fondonan, te na un suma di 10 mil florin. Esaki ta nifica segun Jardim, cu for di diabierna, e cliente tin acceso na tur e facilidadnan bancario, sea ta na bali of bancomatico of bank transfer, cu esaki por tuma lugar diabierna mas. A splica cu si un persona tin 9 mil florin riba su cuenta, y e haya un pago nobo di p.e. salario, e por tin acceso na e 9 mil y e salario extra. Pero si e tin un suma di 16 mil florin riba su cuenta, e ta haya acceso na 10 mil maximo y ta congela e suma di 6 mil. Keda pendiente pa mas informacion na caminda. Potret ta cortesia di Yves Cooper.
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.