Chaos na Girobank na Corsou pasobra clientenan no tin aceso na nan placa

WILLEMSTAD – Diamars Banco Central di Corsou y St Maarten (CBCS) a dicidi di ‘congela’ e operacion di Giro Bank, debi na inquietud cu a surgi den comunidad pa cu e banco. E congelamento ta encera cu no por tin transaccion tumando lugar pa y cu Girobank. Motibo di esaki ta pasobra Girobank ‘no ta den posicion pa retiro di fondo, y cu e retironan di fondo aki ta pone un presion irrasonabel riba e likides di e banco. 

INTERES DI CLIENTE

E pasonan aki segun CBCS ta pa interes di esnan cu tin cuenta cu e banco. CBCS a informa cu tur cliente di Girobank ta garantisa e maximo di 10 mil florin. Cu esaki nan ta premira cu 90% di e clientenan tin e garantia total na nan fondonan. Esaki ta conforme tambe e garantia standard di deposito. 

CONFERENCIA DI PRENSA

Pa por informa e pueblo y e clientenan di e banco, CBCS lo tene un conferencia di prensa diaranson mainta 10’or cu mas informacion. Potret cortesia Curacao Chronicle

.