Borchinan di direccion riba Watty Vos Boulevard a cuminsa bay halto

ORANJESTAD – Awe mainta e personal di Mota Engil a cuminsa pone e borchinan di direccion riba Watty Vos Boulevard, pa asina duna un direccion na esnan traficando riba e avenida ‘recien’ habri. Esaki lo alivia e preocupacion di automobilistanan cu no tabata mucho conoci cu e area di e ‘angulo’ aki y no ta(bata) sa cua rotonde y barrio nan tabata yega. Cu e borchinan aki, e ta bira facil pa distingui e rotondenan. Tabata simplemente un cuestion di tempo, pa Mota Engil pone e borchinan, y tabata planea pa haci esaki tambe asina. Problema ta cu ora cu a habri e caminda, sin borchi, e ‘paisahe’ pa hopi mientras bunita, tabata ‘desconoci’ y tabata bruha hende ki rontonde pa usa, pa yega nan destinacion final. Noticiacla.com a compronde cu e proximo simanann esaki lo sigui y pa Februari 2020 tur borchi mester ta cla poni.