WILLEMSTAD – Mientras cu Aruba tin e frontera cu Venezuela duro cera, Corsou di otro banda ta purbando pa habri esaki bek, de fase. Asina e prome minister di Corsou Eugene Rhuggenaath a bisa den un conferencia recien. Gobierno di Corsou kier un apertura gradual y control di e fronteranan cu Venezuela. Segun informacion cu noticiacla.com a compronde, ta papiando cu Venezuela tambe y ta bisa cu a coordina esaki cu Aruba tambe y minister Stef Blok di Hulanda.
FASE
Pa loke ta e apertura den fase, kier haci esaki pa evita cu e fluho di migrantenan sin documento di e pais aumenta enormemente den poco tempo. E intencion ta pa prome habri e trafico maritimo ente e paisnan y despues e trafico aereo. “E discusionan rba esaki awor a continua ‘na nivel tecnico’, Premier Rhuggenaath a bisa. “Nos ta sigui coordina e asunto cu e partnernan den Reino, debi na e circumstancianan den un constante cambio”.
VENEZUELA
A compronde via notanan diplomatico Venezolano (segun Corsou) cu ta prepara pa habri su fronteranan bek cu Corsou pa movementonan di persona y mercancia. Corsou lo a contesta, pa ta parti di Reino y cu e decision tambe mester wordo aplica na Aruba y Bonaire. Potret cortesia Dick Drayer.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.