DNM a forma parti di un workshop riba e tema ‘Brown Water and Brown fields’

ORANJESTAD - Departamento di Naturalesa y Medio Ambiente (DNM) conhuntamente cu otro partner ta engrandece nan capacidad pa locual ta e tema aki cual ta trata tera y awa contamina. E tema di brown water and brown fields ta encera areanan contamina cu sea azeta, sushi of otro kimico. Pues e tayer cu ta tumando luga ta pa por reconoce e posibel aspectonan di contaminacion den awa of tera.

E tema no ta mucho conoci den pueblo, pues a traves di e tayer ta contribui na amplia conocemento di DNM tambe riba e tema. Pa wak kico ta aspectonan pa tuma nota di dje y reconoce posibel contaminacionnan y risiconan cu ta bin cu ne.

Esaki ta e prome biaha cu DNM ta organisa e tayer aki, conhuntamente cu e compania Tauw di Hulanda. Pues cu e conocemento aki lo por identifica kico tur tin rond Aruba y e posibel risiconan.