Na Corsou, trahadonan disgusta cu no a haya pago, a cera nan mes den restaurant

WILLEMSTAD - Trahadonan di un restaurant cu tabatin 3 luna sin cobra, a lanta ayera y a cera nan curpa den e restautant. Cu e acto aki nan a demonstra nan mal content strobando turistanan di comer merdia. E turistanan ya a paga pa tur cos mirando cu e hotel ta ofrece paketenena cu tur cos inclui. Na momento cu e situacion a presenta ayera, turistanan mes a yama polis pa Asian esaki nan por a presenta na e sitio mirando cu no tabatin ningun representante di gerencia pa duna cara. 

Polis a presenta na e sitio pa pone ordo mirando cu trahadonan tabata basta rabia y emociona. Di otro banda polisnan a purba di tene e situacion calmo mirando cu e turistanan a cuminsa exigi nan placa bek. Despues di basta deliberacion, a logra convence e trahadonan pa por sirbi e muchanan menor di edad cuminda, y tambe esnan di edad. 

Te den oranan di atardi no a yega na un acuerdo y e turistanan mes mester a bolbe saca placa pa asina nan por a come. Ta trata di e hotel Onvacation, cu ta uno maneha pa un compania independiente y no ta afilia na CHATA. 

Cortesia EXTRA