Sindicatonan desapunta cu gobierno no ta cumpli cu palabra

ORANJESTAD – Sindicatonan bringando pa indexering, no ta nada content cu gobierno. E reunion di siman pasa 5 di December, no tabata uno positivo, pa cual nan ta formulando un carta pa recama gobierno di esaki. Esaki pasobra gobierno a informa e sindicatonan algo otro di cual a wordo palabra durante nan reunion di dia 2 di December. 

REUNION

Segun e sindicatonan, dia 2 di december 2019, SIMAR hunto cu otro sindicatonan a reuni cu gobierno riba e topico di Indexering. Segun e sindicatonan, Gobierno a bisa cu nan a ricibi carta di e sindicatonan di 21 di november unda sindicatonan ta bisa cu nan ta keda riba nan proposicion di Afl. 101 florin den salario. Gobierno a duna como contesta cu nan ta keda riba nan proposicion di 25 di oktober, y cu nan no por duna mas cu  Afl. 5,76 florin den salario pa indexering. Sindicatonan a pidi gobierno pa pone nan propoisicion preto riba blanco pa asina sindicatonan por mustra e miembronan. Den e carta di gobierno fecha 5 december, por a lesa cu nan no a cumpli cu e peticion di sindicatonan y a scirbi algo completamente otro cu a wordo palabra.

CARTA

“Como grupo di sindicato nos ta bay scirbi un carta bek, unda nos lo indica cu e carta manda pa gobierno no ta cuadra cu loke a wordo palabra durante e reunión di 2 di December”, sindicato SIMAR a manda bisa nan miembronan, pero cu ta conta pa tur otro sindicato tambe cu ta bringando pa e tema aki. Lesa e carta di gobierno AKI.