Awe a deporta 30 di e Venezolanonan cu a yega Aruba ilegal diadomingo

ORANJESTAD – Di e 35 Venezolanonan ilegal cu a yega Aruba riba un boto diadomingo marduga, 30 a keda deporta caba diahuebs merdia. Por te hasta usa e palabra ‘atrobe’ ya cu varios di nan a keda deporta caba den pasado. Ta haciendo tramite pa e otro 5 nan tambe bolbe nan pais prome cu fin di aña. E otro 5 personanan cu a keda deporta ta otro personanan cu tambe ta ilegal y ta wardando un periodo mas largo caba. Manera ta conoci, diadomingo marduga Warda Costa di Caribe a detecta un boto cu e Venezolanonan aki y a intercepta esaki y trece nan na waf di Playa. A detene nan, mientras cu varios a pidi asilo politico. Mirando e situacion, por compronde cu tur (10) cu a pidi asilo politico, a keda nenga debi cu nan situacion no ta permiti asilo conforme e tratado internacional. De hecho, manera cu e portal aki a raporta caba, gran parti di esnan cu a yega diadomingo, ya den pasado a keda deporta caba.