- Donald trump a bandona Cas Blanco pa di ultimo biaha
- Joe Biden lo huramenta como e di 46 presidente di Merca awe
- Encuesta Noticiacla: Kico ta e tema(nan) mas importante pa Eleccion Parlamentario di Aruba e aña aki?
- Hulanda ta preparando Toque de Queda y prohibicion di biahe
- Bas van ‘t Wout a reemplasa Eric Wiebes como minister di Economia na Hulanda
SETAR conhuntamente cu Nokia Networks ta trece 5G pa Aruba
(ADVERTORIAL)
ORANJESTAD - Nokia ta un partner importante pa Setar y pa varios an?a caba tin un relacion extenso cu SETAR. Recientemente SETAR a expande su partnership cu Nokia pa upgrade y transforma su red pa un red “full end-to-end 5G”. 5G conoci como e di 5 generacion di celular ta e ultimo desaroyo den tecnologia di sistema wireless di celular disen?a pa aumenta speed y sensibilidad di rednan wireless. E red aki tin hopi mas capacidad, cobertura y ta haci posibel speednan hopi mas lihe. E banda cu lo wordo uza pa e red di 5G ta esun di 3.5 GHz. Ademas di data mas rapido riba bo devicenan, e tecnologia di 5G ta habri porta tambe pa hopi aplicacion pa uzo industrial como tambe pa uzo pa e consumidor.
Algun di e metanan clave di 5G ta pa hisa speed di data significantemente. Cu 5G ta anticipa cu esaki por subi te cu 10 Gbps. Tambe 5G tin un latency ultra-abou. Esaki ta e reaccion di e red despues di haya un instruccion pa manda data, por ehempel di un device. Esaki den 5G ta disen?a pa yega rond di un milliseconde den futuro. E parti aki ta importante specialmente pa por ehempel autonan cu ta core sin chauffeur, esta self-driving cars, y tambe desaroyonan industrial. Ademas, 5G ta haci’e posibel pa tin un mundo mas conecta via e “Internet of Things”.
Durante e conferencia di prensa, Nokia a haci varios demostracion di 5G, entre otro, test di e speed y tambe a haci demostracionnan di virtual reality y di e latency di un wega di table tennis. Setar (Aruba) ta den e top di speed di celular comparabel cu mayoria operadornan y paisnan rond mundo. Cu e paso aki SETAR como compania di telecomunicacion pionero den region di Caribe ta sigui innova y ta sigui conecta Aruba riba lo ultimo den tecnologia rond mundo.
Dimp: Ultimo dia pa paga impuesto di vehiculo di motor ta 1 di februari
ORANJESTAD – E ultimo dia pa paga impuesto di vehiculo di motor di an?a 2021 ta 1 di februari 2021. Asina oficina di impuesto a informa e siman aki.
AHATA: Decision di CDC ta obstaculo mas den Aruba su recuperacion economico
ORANJESTAD – “Merca ta nos mercado turistico principal, y e decision aki di CDC (Center for Disease Control) ta un obstaculo mas den Aruba su recuperacion economico”. Asina e CEO di AHATA Tisa LaSorte a reacciona pa noticiacla diaranson mainta, relaciona cu e decision di CDC pa obliga tur hende cu biaha pa Merca, pa presenta un test negativo di COVID19 entrante 26 di januari proximo. Segun LaSorte, e bon ta cu Aruba ta bon prepara den sentido cu laboratorionan priva tin e inventario di test pa turista di Merca por hasi nan test na Aruba prome cu biaha bek. Tin te hasta posibilidad di hasi e test na hotel of cas mes. Pero, e no ta kita afo cu e lo tin consecuencia.
Aruba ta conoce otro barera pa turismo cu medida di CDC
NEW YORK (AP) — Cualkier persona biahando pa Merca dentro di poco, mester por mustra un test negativo di COVID19 sino e no por drenta. E medida di e Center For Disease Control (CDC) ta drenta na vigor dia 26 di januari proximo. E ta un medida cu varios estado Mericano ta usando caba, incluyendo e mercado mas grandi pa Aruba, pero awor e ta bira uno general obligatorio pa tur estado. Esaki ta nifica cu e ta conta pa tur turista Mericano cu bolbe nan pais despues di nan vacacion. Y e mester tuma lugar dentro di tres dia cu nan biahe ta tuma lugar. Esey ta nifica pues, cu nan tin cu paga dos biaha pa COVID19 test, uno prome cu nan biaha pa Aruba y despues ora nan bolbe. Y consecuentemente manera ofina di turismo di Aruba (ATA) su CEO Ronella Croes ta bisa noticiacla awe mainta, e ta bira un barera adicional cu Aruba tin cu atende cu ne.
Prijs di gasoline ta subi cu casi 10 cen entrante diaranson
ORANJESTAD - Minister di Finansas, Asunto Economico y Cultura ta anuncia e prijsnan nobo di benta di combustibel entrante 13 di januari 2021:
Lotto ta puntra si abo ta cla pa bira e siguiente miyonario di Aruba
Den luna di December 2020 Aruba a ricibi 44% mas turista cu November
ORANJESTAD – Den luna di December 2020 Aruba a ricibi 44% mas turista cu November. Asina oficina di turismo ATA a raporta diadomingo.
Follow NoticiaCla
