Homber ta drenta botica cu su auto awe mainta

Homber ta drenta botica cu su auto awe mainta

Posted on 12/3/2019 2:44 pm AST | Updated on 12/3/2019 2:44 pm AST

EAGLE – Un persona di edad a drenta cu su SUV Mercedes Benz den un botica na Eagle diamars mainta. E botica ta situa den e edificio di Super Food na Eagle. Aparentemente e chauffeur a confundi e pedal di brake cu esun di duna gas, pa cual el a drenta e botica. Cu algun rascal, e chauffeur a sali ‘basta bon’ pero cu un bon susto di e episodio. Potret di Facebook. 

  • Fada y Fundacion Zinnia a lansa otro video 'Bo Amigo Didi'

    Fada y Fundacion Zinnia a lansa otro video 'Bo Amigo Didi'

    ORANJESTAD - FADA (Fundacion Anti Droga Aruba) y Fundacion Zinnia a lansa otro video clip Bo Amigo Didi diamars atardi durante un conferencia di prensa. 

  • KPA: Caso di atraco arma na Saliña Cerca

    KPA: Caso di atraco arma na Saliña Cerca

    PALM BEACH - Polis ta raporta un posibel caso di atraco diadomingo anochi. Segun vocero di polis Lito Laclé, pa 8.50 melding a drenta via Centrale Post cu un atraco a tuma luga na un cas na Saliña Cerca. Na yegada si patruya ta bin constata cu dos homber cu ta papia spaño a menasa e damanan na cas cu un arma di candela y a bay cu un cantidad di placa. E situacion ainda ta un poco confuso y Investigacion ta andando pa por saca afo Kiko exactamente a pasa.

  • Warda Costa a intercepta boto cu 35 Venezolano yegando Aruba

    Warda Costa a intercepta boto cu 35 Venezolano  yegando Aruba

    ORANJESTAD – Un total di 35 Venezolano indocumenta a keda intercepta diadomingo marduga pa Warda Costa di Caribe y treci waf di Oranjestad. Vocero di polis Lito Laclé a confirma pa Noticiacla cu ta trata di un grupo di Venezolano di cual uno lo ta un dama. Pa 4:35am e melding a drenta cu a intercepta e boto, y pa 7’or ainda tabata atende cu nan na waf. Mientrastanto a compronde cu a transporta nan pa e centro di detencion di Warda Costa. No ta conoci si tin otronan cu si a logra drenta,y cuanto esey nan lo ta. Sa sosode cu hopi biaha ta gara un cargamento, mientras cu di otro banda ta sigui drenta otro, na otro caminda. Na Corsou mientrastanto diabierna ultimo a deporta no menos cu 80 Venezolano bek pa nan pais cu avion Conviasa, no obstante intento di ultimo ora di un grupo di abogado, cu a opta pa bringa esaki. Mes momento dos grupo di indocumenta a yega nos isla ruman tambe. E potret ta di archivo di Noticiacla di un otro captura di indocumenta, na waf di Warda Costa na Savaneta.  

  • Detencion den caso di tiramento na San Nicolas

    Detencion den caso di tiramento na San Nicolas

    SAN NICOLAS - Pa mas o menos 09.25 melding a drenta via Central Di Polis cu tin un bringamento y tiramento den Jansteenstraat na San Nicolas. E personanan aki según e melding lo tawata den un autobus shinishi. Pa 09.38 a drenta un otro melding cu den Van Galenstraat 3 hende homber bringando formalmente. Patruya a bay pero no a haya nada pero testigonan ta bisa cu ta dos homber den un autobus shinishi. Pa 09.51 patruya a para B120 cu ta cuadra cu e descripcion den Rembrandtstraat, caminda cu un hende homber a sali na careda. Polis a bay su tras y a logra den detene de Caya Sint Maarten cu un arma di candela arma ariba dje.  En total te aworaki tin 4 sospechoso deteni y no ta descarta cu lo tin mas detencion.

  • Warda Costa ta gara boto cu 1500 kilo di droga den awa territorial di Aruba

    Warda Costa ta gara boto cu 1500 kilo di droga den awa territorial di Aruba

    ORANJESTAD – Warda costa a intercepta y gara un boto cu 1.500 kilo di droga abordo. Tabata diahuebs anochi cu a detecta e boto sospechoso, y ora di controla, a resulta cu tabata un ‘go-fast[ den awa territorial di Aruba. Tabatin 4 tripulante abordo, fuera di e 1.500 kilo di droga. A pasa e tripulantenan y e droga den man di polis local KPA pa mas investigacion. Ta danki na cooperacion entre Warda Costa di Caribe, Cuerpo policial di Aruba y e partnernan internacional, a logra gara e lote grandi aki.  

  • Hoben ta muri riba buelo di KLM rumbo pa Aruba

    Hoben ta muri riba buelo di KLM rumbo pa Aruba

    ORANJESTAD - Un hoben a muri riba buelo di KLM pa Aruba. Segun version di polis, pa mas o menos 3.30 melding a drenta via Central Di Polis cu un persona di edad relativamente jong a fayese ariba un vuelo di KLM KL769 direccion Aruba. E vuelo tawata planea pa ateriza pa 6 or di atardi. Na yegada dokter Texier pa 6.30 ta constata morto di D.K. Di 22 aña y di nacionalidad Hulandes. Personal di Slachtofferhulp tambe a wordo poni na altura pa duna nan asistencia na e famia y e personal di KLM.

  • Powered by SETAR