Doñonan di Wariruri kier prohibi entrada na companianan turistico

Posted on 12/3/2019 10:55 am AST | Updated on 12/3/2019 11:23 am AST

ORANJESTAD – E doñonan di e tereno Wariruri no kier pa turistanan tin acceso na e tereno. Por lo menos segun representante di e famianan doño di e tereno den un comunicado cu noticiacla.com a ricibi. Tamara Beaujon como nan respresenante, a manda un carta pa AHATA (cu tambe ta den poder di noticiacla.com)  unda cu nan ta informa cu nan ta pone un ‘orden’ na tur compania cu ta usa e area como un atraccion turistico, cu nan no lo no por haci esaki mas. Esaki ta inclui tur propaganda  cu companianan tin mencionando Wariruri como parti di nan actividad  turistico, pa sea pasa of para na e Baby Natural Bridge riab e propiedad no por haci tal, como cu dentro di poco, e intencion ta pa cera e propiedad pa tur vehiculo motoriza y cabay. Unico forma pa tin aceso ta na pia of bicicleta. Beajon a manda un carta tambe pa prensa internacional y tur otro instancia. 

ZIENSWIJZE

Mes momento a Beajon a manda un carta riba e aspecto di ‘opinion’, osea zienswijze riba e RPOV cu e splicacion cu esaki ta perhudica su persona y famia completo. E zienswijze ta duna ciudadanonan e oportunidad pa duna opinion riba e ROPV, pa despues gobierno tene cuenta cu esaki y of incorpora e cambionan den e ROPV si por. 

TERENO

Segun Beajon, su tata a cumpra e tereno (e baai di Wariruri) na 1966, cu e intencion di traha un paar di bungalows pa uzo den weekend y vakantie. E la te hasta laga pone un tanki di awa fresco pa ora pasa dia eynan. Despues cu a laga cera e caminda pa pasa den e tereno, a habri esaki bek (grenspolitie) den nomber di ‘algemeen belang’. Ora cu e tata a fayece na 2004, a haci e intento pa bende e tereno, pero esaki a keda obstaculisa pa DIP segun Beajon. Awor segun e ROPV, ta resulta cu e tereno ta bay cay bou di zona berde, y cu nada no por wordo traha mas ey riba, pero cu companianan priva si por sigui genera placa usando e aceso na e tereno mientras cu e famia mes no por haci nada. Y como tal nan ta protesta riba e punto aki. 

 

  • Aunke a deporta nan den pasado, Venezolanonan ta sigui bin Aruba

    Aunke a deporta nan den pasado, Venezolanonan ta sigui bin Aruba

    ORANJESTAD – Un situacion alarmante cu Aruba ta experenciando ta e hecho cu varios di esnan (Venezolano) cu a y ta drenta Aruba via boto den forma ilegal, ta hendenan cu den pasado caba a bin Aruba y keda deporta. Tin tambe esnan cu a yega ‘legal’ via avion pero nunca no a bolbe nan pais. Y den e caso di e ultimo ‘cargamento’ di hende di diadomingo ultimo, nan tambe ta forma parti di e grupo aki. 

  • Palo di luz mey mey di entrada na ex J.F.Kennedy ta halando atencion

    Palo di luz mey mey di entrada na ex J.F.Kennedy ta halando atencion

    ORANJESTAD - E palo di luz na altura di ex John F Kennedy School, cu ta den proceso pa bira parti di e departamento di Enseñansa ta hayando hopi atencion. No necesariamente positivo, sino mas bien di hilaridad y confusion. Sigur el a bira un topico di joke riba Facebook diahuebs, unda cu hopi ta cuestiona e asunto aki. E palo di luz ta mei mei di loke mester bira e entrada di e lugar, unda cu no por kere cu lo a pone un palo di luz eynan. Pero por a compronde cu e intencion lo ta pa kita e palo di luz, cu lo tabata eynan prome caba, y a opta pa traha rond di dje pa despues kita e palo di luz. No a logra haya reaccion oficial di DOW riba e asunto aki. Sigur e potret aki ta uno cu ta laga pa interpretacion, hilaridad, tristesa y atencion. Potret di Noticiacla. 

  • Borchi di I LOVE ARUBA a haya su sitio permanente nobo

    Borchi di I LOVE ARUBA a haya su sitio permanente nobo

    ORANJESTAD – Un 9 siman despues cu a kita e borchi di ‘I LOVE ARUBA’ dilanti Bestuurskantoor, a pone e borchi na su lugar nobo permanente. E doño di e borchi, Omar-Steve Lejuez a bisa noticiacla.com diahuebs mainta cu e trabou inicial mester a tuma 6 dia, pero a dura 6 siman pa keda cla. “Nos a renob’e completo, cada pida hero cu ta riba e borchi ta nobo” Lejuez a bisa. A fortifica e borchi tambe cu ta haci’e hopi mas stabil cu antes. Y awo falta algun detayes di parti di DOW, pa e borchi keda cla completamente. Mesora por a nota turistanan probechando pa saca potret cu e borchi. Tin dos bapor crucero aden, cu ta dun'e un bunita 'backround' compara cu antes. Algo cu Lejuez tambe a angela p'e. 

  • EcoTech tin oferta special pa fin di aña!

    EcoTech tin oferta special pa fin di aña!

    (ADVERTORIAL)

  • SETAR NV a anuncia inicio di era di 5G pa Aruba

    SETAR NV a anuncia inicio di era di 5G pa Aruba

    ORANJESTAD – SETAR NV a anuncia inicio di e era di fifth Generation cellular Wireless, miho conoci como 5G. E intencion ta pa awor adapta 2 cell site cu e tecnologia necesario y poco poco ta sigui traha riba e otro cell sites y pa 2021 tur cell sites na Aruba mester ta 5G ready. Manera cu e director Roland Croes a splica, e ta un systema avansa cu tin mas velocidad, y tambe ta duna mas posibilidad pa telecomunicacion. Aruba lo ta entre e grandinan ora di comparacion segun Croes. E storianan cu e ta malo pa salud, no ta cuadra cu berdad segun Croes, ya cu ta bay segun norma internacional y ta vigila esaki hopi bon. Ademas e señal cu lo usa ta uno mas abou, pues definitivamente no tin mester di preocupa pa asunto di salud. E popularidad ta halto na Sur Korea unda cu por lo menos 4 miyon Koreano tin telefon 5G, y na China tin riba 100 mil base, y na 2020 ta premira 150 miyon suscrito di 5G na China.  

  • Repsol a stop explora petroleo of gas den awa territorial di Aruba

    Repsol a stop explora petroleo of gas den awa territorial di Aruba

    ORANJESTAD - Repsol no ta sigui explora petroleo of gas den awa territorial di Aruba. Asina e Compania Arubano di Petroleo (CAP) a informa den un comunicado diaranson atardi.  Repsol a dicidi pa no drenta e siguiente fase di e contracto cu e tin cu CAP. E contracto firma pa ambos partido na december 2012 a yega su fin 30 november di 2019, despues di un periodo en total di 7 aña.

  • cheers wind creek casino
  • Powered by SETAR