Courtyard by Marriott Resort Aruba a habri su portanan dialuna

Posted on 12/3/2019 9:34 am AST | Updated on 12/3/2019 9:36 am AST

PALM BEACH – Courtyard by Marriott Resort Aruba a habri su porta oficialmente dialuna anochi. E tabata conoci ‘antes’ como The Mill Resorts y despues di un upgrade di 25 miyon dollar, a conoce un cambio. Notable ta cu esaki ta e promer Courtyard Resort cu e concepto aki den henter Caribe y e di 2 den henter mundo. Segun minister di Turismo Dangui Oduber cu tabata entre esnan cu a haci e apertura, a bisa cu esaki un biaha mas ta demostra e calidad di producto cu nos tin. “Pabien na Courtyard by Marriott Resort, sigur na e inversionista y desaroyadornan. Potretnan cortesia ministerio di turismo. 

  • SETAR conhuntamente cu Nokia Networks ta trece 5G pa Aruba

    SETAR conhuntamente cu Nokia Networks ta trece 5G pa Aruba

    (ADVERTORIAL) 

  • CAFt: Aruba ta cumpliendo cu e presupuesto pero no e protocol

    CAFt: Aruba ta cumpliendo cu e presupuesto pero no e protocol

    ORANJESTAD – Gobierno di Aruba ta cumpliendo cu e liña di presupuesto 2019 pero no cu e protocol (firma cu gobierno di Hulanda riba supervision financiero). Asina e colegio di supervision financiero CAFT ta bisa den su reaccion di e raportahe di e di 3 cuartaal di Aruba, (UR 3). Den un carta di 7 pagina, e colegio ta repasa nan reaccion y ta comparti e dos puntonan menciona. 

  • BCA: Perspectivanan riba crecemento economico pa Aruba ta sigui marginal

    BCA: Perspectivanan riba crecemento economico pa Aruba ta sigui marginal

    ORANJESTAD - Awe Banco Central di Aruba (BCA) a publica e revision di e ‘Economic Outlook’ pa 2019 y su prome proyeccionnan pa 2020. Basa riba datos economico disponibel pa Aruba te cu september, e Producto Bruto Domestico (PBD) pa 2019 ta proyecta pa baha cu 0,7 porciento den termino real, compara cu un crecemento di 0,9 cu a wordo premira anteriormente. E revision ta debi na cifras pa inversion, exportacion y consumo menos fuerte cu a wordo anticipa previamente. Pa 2020 e PBD real ta proyecta pa crece cu 0,8 porciento. Tuma nota cu e proyeccionnan aki por resulta di ta mas halto of mas abou, dependiendo di condicionnan mas of menos faborable den desaroyonan di consumo, inversion y turismo.

  • DIMP na conseheronan: Manda lista di cliente pa belasting di aña 2020

    DIMP na conseheronan: Manda lista di cliente pa belasting  di aña 2020

    ORANJESTAD – Na e momentonan aki Departamento di Impuesto ta preparando pa cuminsa otorga e paketenan di loonbelasting y BBO/BAVP/BAZV di an?a 2020. Mescos ta conta pa e paketenan di toeristenheffing, speelvergunnings- recht, BBV y BBVAM. E paketenan lo wordo manda via post den luna di december proximo. Pa e conseheronan fiscal of oficinanan di administracion lo tin un servicio special. Departamento di Impuesto ta dispuesto pa otorga e paketenan personalmente na e conseheronan si manda un e-mail cu e peticion na tempo y si cumpli cu e condicionnan rekeri.

  • BCA: Gobierno a ricibi mas entrada di impuesto na augustus 2019

    BCA: Gobierno a ricibi mas entrada di impuesto na augustus 2019

    ORANJESTAD - Compara cu juli 2019, e cantidad di placa den circulacion a crece cu Afl. 66,9 miyon te na Afl. 4.446,6 miyon den e luna di augustus 2019. Esaki a resulta for di un subida den tanto e activo domestico netto (+Afl. 41,1 miyon) y den e reserva di divisa netto (+Afl. 25,7 miyon). E expansion den e componente domestico pa cu e cantidad di placa den circulacion ta relata na e aumento den credito domestico (+Afl. 45,4 miyon). Esaki a wordo causa door di aumento den ambos credito bancario netto na e sector publico (+Afl. 32,1 miyon) y credito bancario na e sector priva (+Afl. 13,3 miyon). E crecemento den credito bancario netto na e sector publico tabata door di un reduccion den deposito di gobierno pa cu Afl. 31,9 miyon. Tambe, hipoteca di vivienda y credito na empresa a subi cu Afl 8,8 miyon y Afl. 8,2 miyon, respectivamente, mientras credito na consumidor a baha cu Afl. 3,7 miyon.

  • Banco Central di Aruba a prolonga encuesta riba corupcion

    Banco Central di Aruba a prolonga encuesta riba corupcion

    ORANJESTAD - Desde 8 di november 2019, Banco Central di Aruba (BCA) ta ehecutando bao di nos comunidad e “Encuesta di Corupcion” pa evalua e nivel percibi di corupcion na Aruba. BCA kier informa e publico cu e encuesta aki ta wordo prolonga te cu 5 december proximo.

  • Powered by SETAR