Reduccion di velocidad pa 100 km na Hulanda ta otro aña maart

Reduccion di velocidad pa 100 km na Hulanda ta otro aña maart

Posted on 12/2/2019 12:26 pm AST | Updated on 12/2/2019 12:26 pm AST

DEN HAAG – E reduccion di velocidad maximo di trafico na Hulanda di 130 of 120 km pa or ate na 100 km pa ora, ta drenta na vigor mitar di luna di maart di 2020. Asina minister Van Nieuwenhuizen ta bisa Tweede kamer. “Tin mester di tempo pa por adapta tur borchi” e mandatario a bisa. Mas prome gabinete a dicidi cu lo cambia e velocidad solamente den dia pa 100 kn, pa asina reduci e emission di nitrogeno, cu ta un problema pa agriculturonan. Cu esaki por crea espacio pa crece e sector di construccion atrobe. Esey tabata necesario pasobra asegun Raad van State, a dicidi cu e acercamiento Hulandes contra nitrogeno no ta cumpli (cu rekisito). Debi na e cantidad di nitrogeno cu ta keda emito pa e parti di agricultura y trafico, e bioversidad den areanan afecta di Hulanda, ta bou di presion. Lo haci e cambio di boric entre 12 y 16 di maart 2020. Esey ta nifica cu desde 16 di maart mainta 6’or, e velocidad nobo ta drenta na vigor na Hulanda. Unda cu antes despues di 7’or por a core 120 of 130 km pa ora, esaki ta sigui normal. Fuente y potret cortesia NOS.nl

  • Knops: Esaki no ta momento pa discuti riba articulo di Statuut

    Knops: Esaki no ta momento pa discuti riba articulo di Statuut

    DEN HAAG – “Mi no ta haya esaki e momento cu mientras tur hende ta atendiendo e crisis, pa bay haci declaracionan riba e tema (interpretacion di articulonan di e Statuut)” minister Hulandes Raymond Knops a bisa durante e conferencia di prensa diahuebs mainta. E ta referi na e keho di varios isla, cu Hulanda lo no ta dunando interpretacion corecto di articulo 36 di Statuut. E articulo ta bisa e.o. cu paisnan den Reino mester sostene otro den tempo di necesidad. E islanan en cuestion (Aruba, Corsou y St Maarten) tabatin critica cu Hulanda ta regala otro paisnan hopi miyones, mientras nos ta haya ayudo pero como fiansa y no regalo. E mandatario Hulandes, no ta haya pues cu esaki ta e momento pa hiba e discussion aki mientras cu ta trahando duro pa combati un crisis manera esun di e coronavirus.

  • Gobierno di Reino a aproba prestamo sin interes pa Aruba

    Gobierno di Reino a aproba prestamo sin interes pa Aruba

    DEN HAAG – Gobierno di Reino Hulandes a aproba e prestamo temporal pa e islanan Aruba, Corsou y St Maarten manera cu a keda proponi pa e colegio di supervision financiero, y ta valido pa un periodo di 6 siman. Asina minister Hulandes Raymond Knops di Asuntonan di Reino a bisa durante un conferencia di prensa diahuebs mainta. E prestamo ta uno sin interes, y tampoco mester paga bek durante  proximo dos añanan. 

  • Rutte: App pa atende cu coronavirus no mester bira obligatorio

    Rutte: App pa atende cu coronavirus no mester bira obligatorio

    DEN HAAG – Gabinete Rutte no kier haci e corona app obligatorio pa tur ciuadano Hulandes. Esaki por 60% di Hulanda cuminsa uza e aplicacion. Asina minister de Jongh a bisa den e debate riba coronavirus. Miembronan di Tweede Kamer kier sa con e corona app ta funciona, y si e aspecto di privacidad ta bira un problema. E app lo mester tin funcion di por alerta otronan di un persona infecta y mas. E app por wordo usa pa suavisa e medidanan despues cu ta den funcion a consecuencia di e virus. Datonan di persona contagia mester por keda anonimo, y no por yega gobierno. 

  • Taxistanan na Hulanda tambe kier ayudo di emergencia pa coronavirus

    Taxistanan na Hulanda tambe kier ayudo di emergencia pa coronavirus

    DEN HAAG – Chaufeurnan di taxi na Hulanda a haci peticion na gobienro pa nan tambe bin na remarke pa medida di emergencia di gobierno contra coronavirus. Ta trata di miles di taxista cu ta perdiendo entrada debi cu no tin turista y e peticion di gobierno pa ‘biaha menos posibel’. Pa algun di taxista ta papiando caba di bancarota. For di un grupo di taxista, e representante Linda Orman a confirma cu aki na Aruba tambe nan a registra, pero no a haya contesta ainda. 

  • RIVM: A raporta 148 morto mas na Hulanda, di coronavirus

    RIVM: A raporta 148 morto mas na Hulanda, di coronavirus

    AMSTERDAM – E ultimo dia tin 148 morto extra cu a cay na Hulanda a consecuencia di coronavirus. Asina e departamento di salud di Hulanda RIVM ta raporta.  Te cu awor tin 1487 persona cu a fayece, y e cantidad di persona interna a aumenta cu 502 pa un total  di 6286 persona. Na tur tin 15.723 caso positivo di coronavirus na Hulanda. Un dia prome, esaki tabata 14.697

  • Reunion di RMR no a produci palabracionan concreto awe

    Reunion di RMR no a produci palabracionan concreto awe

    DEN HAAG  – E reunion awe mainta di Conseho di Minister di Reino (RMR) no a produci palabracionan concreto pa e islanan di Reino Hulandes incluyendo Aruba. Asina por compronde di e reaccion di minister plenipotenciario pa Aruba na Hulanda, Guilfred Besaril. Un di e temanan lo mester tabata kico RMR ta dicidi financieramente, pero esaki no a tuma lugar. Por a compronde di lider di fraccion di MEP Rocco Tjon diahuebs, cu esaki lo bin te pa dia 15 di april. 

  • Powered by SETAR