DIP: Te ainda total di 65 hende a registra nan rancho na Aruba

ORANJESTAD – Directie Infrastructuur en Planning (DIP) ta hopi contento cu e ranchonan na Aruba. Asina su director Haime Croes a bisa dialuna mainta. Te cu awe tin 65 hende cu a bin inscribi nan rancho, y a entrega tur loke tabata necesario manera a keda pidi. DIP ainda ta hopi positivo cu prome cu mitar di januari 2020, e otro mitar lo por trece nan registracion di rancho. “Importante ta pa mustra cu ta trata di registracion, y den e cuadro di ROPV esaki ta tuma lugar.

KICO TA KEDA

A dicidi tambe cu e rancho cu tey, ta keda. Naturalmente si nan kier haci uso di dje y hacie mas chikito, por haci esey tambe. “E idea no ta pa bin mas (rancho)” Croes a bisa si. Si tur cos ta bon, segun e rekisitonan cu ta pidi, manera tene bon den condicion, por paga e suma simbolico di 5 florin pa meter cuadra pa aña. “Nos kier ta duidelijk, nos no kier mata niun hende. Ta cuestion di un gemiddelde (di e grandura di un rancho). Mayoria di e ranchonan cu nos ta mira ta entre 40 pa 50 (m2), pues si bo tin mas, bo ta maal e cu 5, y bo ta haya e prijs cu bo ta paga pa aña” Croes a bisa. Esey ta basa riba e retributie besluit cu ta un ley cu nos tur ta haci uso di dje.