Cruz Cora Aruba su programa pa nos grandinan ‘Biba Bida’

ORANJESTAD – E cantante Landa Henriquez a presenta su video clip di mas nobo dialuna anochi na Aruba Trading, cu e tema ‘E t’ey atrobe’, hunto cu Grupo di Betico. E produccion di e cancion tabata den man di IQ Musiclab Recording, y e video su produccion tabata den man di 297 Studio. Den un ambiente tradicional hunto cu amigo y familiarnan, a presenta e videoclip, y a batise despues cu cucuy y un dushi drikidek. 

ORANJESTAD – Aruba su representante pa e certamen di Miss Universe 2019, Dana Garcia a sali diabierna rumbo pa Atlanta Georgia, unda cu e lo defende nos isla dia 8 di December proximo den e di 68 edicion di e certamen. E evento lo tuma lugar den  Tyler Perry Studios na Atlanta, Georgia na Merca unda cu Catriona Gray di  Philippines lo mester corona su successor na final di e anochi grandi. NoticiaCla.com ta desea Dana Garcia tur clase di exito. Potret cortesia di Revista Focus Aruba. 

ORANJESTAD – Rondona pa famia, amigo y mas invitado, e rumanan Mary-Lynn y Julissa Ras a habri nan tienda nobo Paper Sister diahuebs anochi na Cumana. Paper Sisters ta ofrece ‘stationary’ exclusive di calidad. Nan a opera e concepto pa tres aña den un estilo di ‘pop-up store’, pero demanda a exigi pa nan expande y habri e localidad aki na Cumana. Nan ta bende stationary, acesorio di oficina, y mas. Fuera di e negoshi aki, Paper Sisters lo sigui ofrece e tayernan dirigi na creatividad y topiconan cu ta trata ‘auto crecemento’. NoticiaCla.com ta felicita nan cu e apertura di nan tienda nobo. 

ORANJESTAD – Aruba Lions Club ta tene nan actividad di fin di aña diadomingo awo cu nan Christmas Fest na nan cede na Engelandstraat 11, dilanti Eagle Tennis Club. E ta un actividad pa pueblo en general un dia di famia pa drenta e ultimo luna di aña cu hopi ambiente di fin di aña. Entrada ta gratis pa tur hende por disfruta di diferente gruponan conoci di gaita y diferente cantante solistanan cantando nan cancion di fin di aña. Lo bai rifa  di kerstboom durante henter dia. Lo tin F&B, Kids Corner, un Xmas market y e musica na encargo di Grupo Melodia, Banda La Paranda y Originales y Punto. 

ORANJESTAD – E siman aki Fundacion Sonrisa Aruba a bautisa nan oficina nobo, na nomber di un contribuidor conoci, Gerald Luidens, dfm. Pa e momento aki, su casa Sanju Luidens tabata presente. “Bunita hende, sirbiendo un causa noble. Cordando mi G y agradecido cu semper e lo ta presente na Sonrisa”, Luidens a bisa.   Luidens a fayece tragicamente na juni di 2017 durante un trabou cu e tabata haciendo. E tabata un comerciante hopi popular y cu hopi amigo, y tabata conoci cu e tabata haci hopi bon, manera Sonrisa. 

(ADVERTORIAL)