Minister/docter Alex Schwengle: Hopi miedo pa salud di Mike Eman

ORANJESTAD – Minister Schwengle, (cu ta docter di profesion) tin hopi miedo pa salud di colega minister Mike Eman. E salud di prome minister Mike Eman ta stabil, pero gradualmente e ta birando mas swak y ta hayando mas temblamento. E ta bahando enormemente di peso tambe. Tur ta condicionnan di e welga di hamber segun minister Alex Schwengle, cu ta docter tambe. “Nos ta cuide mas cu nos por y ta control’e cada 4 ora. Segun minister di Salud Alex Schwengle, Eman ta fuerte, pero ta temblando mas, y ta hopi mas lento. “Mi ta precupa pa su salud. Pero ainda e ta ok” e medico/minister a declara dialuna mainta. Su vocht gehalte ta bon ainda y e ta bon bei. Algo cu sigur nan ta monitoria constantemente. Rumornan cu Eman lo mester wordo interna den hospital a keda desmenti pa aworaki. Pero no ta descarta cu si su salud deteriora, e lo tin cu tuma e decision ey. “Eman tin su autonomia den su man. E ta dicidi kico ta pasa cu su curpa” Schwengle a admiti, indicando cu Eman ta determina pa caba e lucha aki cueste loke cueste.