Refineria di Korsou ta inicia proceso di transicion cu PDVSA

WILLEMSTAD - Refineria di Ko?rsou (RdK) a inicia e proceso pa yega na un transicion harmonioso di e refineria na momento cu e contract actual pa maneho y operacion di e refineria termina fin di e aña aki. Asina e compania a informa diabierna mainta. Segun e compania, danki na e exoneracion, recientemente otorga door di Office for Foreign Asset Control (OFAC) pa sancionnan Mericano riba entidadnan Venezolano, Corsou awor tin espacio pa den 2020 finalisa e transicion na un forma harmonioso y den tur trankilidad. RdK a inicia e tramitenan pa hunto cu Petroleos de Venezuela (PDVSA) duna contenido na e fase di transicion. Pa e motibo aki tin un delegacion di RdK cu lo sali proximamente pa Venezuela pa hiba combersacion cu Presidente di Petroleos de Venezuela Sr. Manuel Quevedo. E paso aki di RdK a keda aproba pa Hunta di Comisario di RdK y Gobierno di Corsou, cu ta accionista di RdK. E combersacionnan cu PDVSA ta pa duna contenido na e transicion y no ta negosacion den cuadro di prolongacion di e contrato existente. Mientrastanto e negosacionnan pa yega na un acuerdo pa maneho y operacion di e facilidadnan petrolero di Corsou, despues cu e actual