Cu of sin crisis, miles di Venezolano a shop durante Black Friday na Venezuela

CARACAS – Remarcable diabierna tabata e cantidad di Venezolanonan cu a acudi na centronan commercial na algun parti di Venezuela pa probecha di e fenomeno Black Friday, osea e dia unda cu negoshinan ta reduci nan prijsnan di tal forma pa genera compra extra y drecha e situacion financiero como incentivo. Esaki ta prome biaha cu e ta tuma lugar na e pais aki. Filanan largo di hende tabata na e centronan commercial. Comentarionan tabata hopi, di con esaki ta posibel si ta considera e pais den un crisis fuerte, unda cu tin scarsedad di un sin fin di cos, pero toch tin hende ta para den fila pa cumpra cos riba un dia manera awe.