Paper Sisters a habri su porta na Cumana

ORANJESTAD – Rondona pa famia, amigo y mas invitado, e rumanan Mary-Lynn y Julissa Ras a habri nan tienda nobo Paper Sister diahuebs anochi na Cumana. Paper Sisters ta ofrece ‘stationary’ exclusive di calidad. Nan a opera e concepto pa tres aña den un estilo di ‘pop-up store’, pero demanda a exigi pa nan expande y habri e localidad aki na Cumana. Nan ta bende stationary, acesorio di oficina, y mas. Fuera di e negoshi aki, Paper Sisters lo sigui ofrece e tayernan dirigi na creatividad y topiconan cu ta trata ‘auto crecemento’. NoticiaCla.com ta felicita nan cu e apertura di nan tienda nobo.