OM: Hoben riba buelo di KLM pa Aruba a muri un morto natural

ORANJESTAD – E hoben cu a fayece abordo di un buelo di KLM e siman aki cu tabata rumbo pa Aruba, a muri un morto natural. Asina vocero di Ministerio Publico Ann Angela a confirma pa NoticiaCla.com diahuebs mainta. Esey ta kita speculacion tambe cu e hoben lo tabata un bolichero, esta cu e tabata un posibel mula cu lo a fayece a consecuencia di bolita di droga den su stoma. Nada di ese no ta e caso segun OM, y pesey OM no tin nada di haber cu e caso. 

E CASO

E caso a keda raporta diamars anochi, unda cu vocero di polis a raporta cu ‘unhoben a muri riba buelo di KLM pa Aruba. Segun version di polis, pa mas o menos 3.30 di diamars melding a drenta via Central Di Polis cu un persona di edad relativamente jong a fayese ariba un vuelo di KLM KL769 direccion Aruba. E vuelo tawata planea pa ateriza pa 6 or di atardi. Na yegada dokter Texier pa 6.30 ta constata morto di D.K. Di 22 aña y di nacionalidad Hulandes. Personal di Slachtofferhulp tambe a wordo poni na altura pa duna nan asistencia na e famia y e personal di KLM.