RvA: No tin pura pa introduci matrimonio mexun sexo na Corsou

WILLEMSTAD – Introduccion di matrimonio di mesun sexo no mester sosode cuesta loke cuesta na Corsou. Asina Raad van Advies ta bisa esnan cu a inicia e concepto di ley cu kier regla e asunto. E organo consultativo ta basa su mes riba Corte Europeo pa Derecho di Hende, cu te cu awor tin un posicion resistente pa e reconocemento huridico di e matrimonio entre dos persona di mesun sexo. Loke si ta un alternativa, ta cu parehanan di mesun sexo cu a casa den exterior, por registra nan matrimonio na Corsou. Con e alternativa mester funciona, ta keda na Corsou mes. Segun e organo consultativo, reconocemento di derecho civil na parehanan di mesun sexo ta contrae un cierto cantidad di resistencia na Corsou. Y e resistencia ta basa riba religion y otro tipo di consideracion di bida. Como tal e organo ta haya cu mester di tempo pa e pais por desaroya su mes riba e tereno aki. Ta mustra cu for di e documentonan presenta, no por deduci cu tin un aceptacion suficientemente grandi den comunidad di Corsou riba  e team. Lesa e caso completo aki. Fuente Persbureau Curacao y potret cortesia Dick Drayer.