Sector priva y gobierno a firma acuerdo riba prohibicion plastic y Oxybenzone

ORANJESTAD – Gobierno di Aruba conhuntamente cu entidadnan di Sector Priva di Aruba, a firma acuerdo como muestra di nan parti, pa sostene e ley cu a pasa siman pasa unanimamente na Parlamento di Aruba. Cu ta encera prohibicion di articulonan cu ta causa daño na nos medio ambiente. Manera: articulonan di plastic di un solo uzo, styrofoam, y un di e ingrediente den sunblock cu ta causa daño na nos bida marino (specialmente nos coralnan) cual ta Oxybenzone. Stakeholdernan cu a participa ta e.o. Aruba Wine and Dine, Compra, General Store - Do It Center, Hilton Caribbean Aruba Resort & Casino, Aruba Food and Beverage Association, Premium Interfood, ASD, Casa Haime, ATA, KVK, ATIA y AHATA   cu a mustra nan sosten na e ley aki. Segun gobierno, e ta muestra di e cooperacion na algo cu ta beneficioso pa henter pueblo di Aruba. Alabes  muestra cu ta realisa e importancia cu medio ambiente tin pa nos!