ASU Olimpiada 2019 exitoso cu seminario di Aruba Karate Bond

Posted on 11/27/2019 11:52 am AST | Updated on 11/27/2019 11:52 am AST

ORANJESTAD -  En conexion cu e ASU Olimpiada 2019, Aruba Karate Bond tabata tin e placer di ricibi ‘Sensei’ Edgar Albakian for di Venezuela pa duna un siman di seminario na tur miembro di AKB. ‘Sensei’ Edgar Albakian ta un 6to Dan di WKF, 4to Dan Kobudo, arbitro di e federacion mundial di karate y asesor tecnico internacional. 

Cu mas di 40 aña di experiencia den karate, ‘sensei’ Edgar Albakian a duna un tremendo curso di arbitrahe riba diabierna 22 di november ultimo na Centro Deportivo Libertador Betico Croes, sigui pa varios seminario di ‘kumite’ (combate) y ‘kata’ (combate tecnico imaginario) cu a tuma luga na Yara Sport complex y Maria College MAVO. Tanto e karatekanan como nan mayornan  a keda hopi satisfecho cu e nivel halto di e instructor internacional aki. 

Directiva nobo di Aruba Karate Bond, esta ‘sensei’ Felix Tromp (presidente), señor Silvano de Castro (vice-presidente), señora Janina Werleman (tesorera), señora Solange Tchong (secretaria) y señor Gustavo Velasquez (comisario) ta contento cu e resultado di e seminarionan. Ta pidi tur karateka pa reserva e siman di 3 pa 8 di december ya cu lo tin otro seminario riba agenda. 

Aruba Karate Bond ta gradici Stichting SportSubsidie Aruba pa nan aporte y un palabra di pabien ta bay pa Aruba Sport Unie pa cu e ASU Olimpiada 2019. Tambe na e team di Comite Olimpico Aruba cu a sa di sostene Aruba Karate Bond den su plan di actividadnan. Pa mas informacion tocante e siguiente seminario, por email Aruba Karate Bond na [email protected] of  yama 7370058 (Sensei Felix Tromp) of 5932002 (señora Janina Werleman). 

 

 

  • Famia Tromp a celebra e entrada di Chadwick den Mayor League Baseball

    Famia Tromp a celebra e entrada di Chadwick den Mayor League Baseball

    PALM BEACH - Diaranzon anochi na cas di mayornan di Chadwick Tromp na Palm Beach, famia, amigo, conocirnan y compañeronan den e mundo di baseball a bini hunto pa asina mira e debut di Chadwick den liganan grandi hunto cu su ekipo San Francisco Giants. Un momento historico pero sigur emocional pa henter famia mirando cu un soño a bira realidad pa e catcher Arubano. Chadwick semper tabata un ehempel pa henter su famia, lider y un consehero. Cu hopi disciplina e la traha duro pa logra su soño awe. Aruba sin duda tabata en espera di e wega aki pa mira un otro yiu di tera debuta den MLB. E ekipo di San Francisco Giants ta gana San Diego Padres cu un walk off 7 - 6. Mester bisa cu Chadwick su bate no tabata na candela y a bay di 3 - 0. Awe un bez mas nan lo bolbe topa San Diego.

  • SETAR: Espn2 ta pasa wega debut di Chadwick Tromp awe nochi

    SETAR: Espn2 ta pasa wega debut di Chadwick Tromp awe nochi

    ORANJESTAD – E debut di e pelotero professional di Aruba Chadwick Tromp den Grandes Ligas di Baseball na Merca, lo keda transmiti riba Cable TV. Asina SETAR a participa riba nan pagina di Facebook. Ademas Setar a desea Tromp exito cu su prome wega official den Liga Grandi. Tromp lo ta den e wega contra San Diego Padres y e wega lo inicia pa 9:45pm ora di Aruba. Por wak e riba ESPN 2 (canal 145 y 364 den HD, Setar Complete canal 306).   

  • Chadwick Tromp ta hunga su prome wega awe of mayan cu San Francisco Giants

    Chadwick Tromp ta hunga su prome wega awe of mayan cu San Francisco Giants

    SAN FRANCISCO – Chadwick Tromp ta hunga su prome wega awe of mayan cu San Francisco Giants.E ekipo di baseball professional di Merca San Francisco Giants a shuffle nan schedule di rotacion di catcher prome cu e wega di apertura di e ekipo contra San Diego Padres, añadiendo e rookie Chadwick Tromp (25) di Aruba den nan roster di 30 persona. Asina Major League Baseball a raporta diamars atardi. 

  • Brote di COVID-19 entre peloteronan profesional ta trece duda den temporada pa MLB

    Brote di COVID-19 entre peloteronan profesional ta trece duda den temporada pa MLB

    MIAMI – Un brote di COVID-19 entre e hungadornan di Miami Marlins (e ekipo professional di baseball na Merca) a forza cancelacion di por lo menos dos wega dialuna. Esaki ta trece duda tambe den e continuacion di e temporada cu apenas a  inicia durante fin di siman na Merca. Pa motibo di e virus, e temporada a cuminsa na fin di juli envez di fin di maart, cu 60 wega programa. Tur esaki awor ta na duda. 

  • Giants evaluando pa usa catcher di Aruba riba nan roster principal

    Giants evaluando pa usa catcher di Aruba riba nan roster principal

    SAN FRANCISCO (KPIX) — E arubiano Chadwick Tromp por bira e catcher pa San Francisco Giants. E ekipo ta buscando un reemplasante pa nan strea Buster Posey pa motibo di salud di su yiunan. E gerente general Gabe Kapler su enfoke ta riba 3 catcher, di cual un mester haya e posicion ora cu temporada habri. Sea ta Tyler Heineman, Rob Brantly, of Chadwick Tromp di Aruba. Tromp a haya mas atencion den e campamento desde cu nan a añadi su nomber dia 4 di juli ultimo. E no tin ningun experiencia di liganan grandi, pero aña pasa tabata hopi bon den e liga menor. Y diadomingo durante e weganan di fogeo, el a dal dos homerun. Aki dos siman e temporada cortico di 60 wega ta inicia. Lo mira si Chadwick ta logra.

  • Debi na COVID-19, AVB a cancela campeonato di futbol 2019-2020

    Debi na COVID-19, AVB a cancela campeonato di futbol 2019-2020

    ORANJESTAD - Debi na COVID-19, AVB a cancela campeonato di futbol 2019-2020. Asina e federacion ta anuncia pa medio di un comunicado. Desde 13 di maart debi na e crisis cu a presenta door di e virus Covid-19, AVB a hañ’e obliga di pospone tur actividad (wega) relaciona cu su campeonato 2019-2020. Pa motibo cu no tin claridad di kico e crisis aki lo nifica pa futbol di Aruba, AVB tabata den contacto constantemente cu FIFA, Concacaf y tur e instancianan concerni na Aruba pa asina por maneha e situacion lo miho posibel. 

  • Powered by SETAR