BCA: Aruba tin tasa mas halto di contribucion na seguridad social den region

BCA: Aruba tin tasa mas halto di contribucion na seguridad social den region

Posted on 11/27/2019 11:27 am AST | Updated on 11/27/2019 11:31 am AST

ORANJESTAD - Compara cu 15 otro economia di isla y dos economia avansa, Aruba tin e tasa mas halto di contribucion na seguridad social door di dunador di trabou. Solamente Cuba tin un tasa di contribucion na seguridad social door di dunador di trabou mas halto. Asina Banco Central di Aruba (BCA) ta bisa den nan ultimo publicacion. Banco Central di Aruba recientemente a publica un estudio ariba e gastonan pa haci negoshi na Aruba. Por dividi e gastonan pa haci negoshi, manera percibi door di e representantenan di varios sector comercial, den cinco categoria: gastonan di labor, impuesto, gasto operacional, gasto di financiamento, y otro gastonan.

LABOR

Gastonan di labor, cu ta inclui e primanan pa seguridad social cu dunadornan di trabou ta paga, ta un di e factornan mas importante cu ta contribui na e gasto di haci negoshi. Ta considera gastonan di labor relativamente halto na Aruba, especialmente pa motibo di e contribucion relativamente halto di e dunadornan di trabou na e seguridad social, cu ta cubri pensioen di biehes, invalides, y seguro di sobrevivencia.  

AUMENTO

Mirando e desaroyo di e componentenan principal di gastonan pa haci negoshi desde 2005 pa 2018, e aumento di gasto tabata halto pa coriente y salario, y mas recien, pa accijns. E subida den gasto di coriente pa propiedad comercial tabata particularmente robusto compara cu tanto e indice di prijs general pa consumidor como e gasto di coriente pa hogarnan.

PERMISONAN

E gastonan di haci negoshi no ta wordo solamente afecta door di e impuestonan significante, primanan social, y gastonan di utilidad, pero tambe pa e tempo y esfuerso cu ta tuma, por ehempel, pa adkeri e permisonan necesario. E recomendacionnan principal pa cu maneho pa mehora e ambiente empresarial ta concentra riba strategianan complementario dirigi riba:

- Reforma structural di institucionnan di gobierno y proceduranan pa mehora gastonan y tempo di transaccionan y proceduranan administrativo. E anuncio recien di e programa di eGovernment lo ta un paso den e direccion corecto;

- Accelera e reforma fiscal cu enfoke riba mehoracion di e ambiente empresarial y e clima di inversion door di reduci e peso di impuesto directo riba emprasanan chikito y mediano; y

- Reforma institucional y fiscal pa promove e formalisacion di e mercado laboral y di e forma ey reduci competencia inhusto di e economia informal.

 

  • Gremio comercial ta preocupa pa comienso di 2020

    Gremio comercial ta preocupa pa comienso di 2020

    ORANJESTAD – Gremionan commercial ATIA, AHATA, KVK, ATSA y AFBA ta premira problemanan pa cu e mundo commercial na comienso di aña 2020. Nan no ta specifica esaki ainda, pero lo anuncia esaki diabierna mainta den un conferencia di prensa, titula “Precupacion nan pa comienso di anja 2020”. Durante e conferencia aki, nan lo elabora mas riba e preocupacionan aki. Tin indicacion cu esaki ta trata e situacion di reforma fiscal y tambe e situacion laboral.  

  • Lotto a conoce ganado di Mini Mega y Mega Plus di 625 mil florin!!

    Lotto a conoce ganado di Mini Mega y Mega Plus di 625 mil florin!!

    ORANJESTAD - Mini Mega y Mega Plus tambe a conoce un feliz ganado cu a bay cu e tremendo jackpot di 625 mil florin y ticket ganado a wordo bendi door di Lucky Cher-Ann 2. Ayera Lotto di Dia a conoce 1 feliz ganado cu a gana e jackpot di 63 mil florin y ticket ganado a wordo bendi door di Indio Stewart Lottery Santa Helena. Lotto di Dia su jackpot ta cuminsa bek na 50 mil florin pa awe nochi y cu 1 florin mas, bo ta gana premio cash instantaneo cu e wega #Facilito.

  • Turismo crusero por kibra record di 815 mil turista e aña aki

    Turismo crusero por kibra record di 815 mil turista e aña aki

    ORANJESTAD  – Turismo crusero ta creciendo y por bira otro aña record. Asina e minister di turismo Dangui Oduber ta raporta den un comunicado.  Segun e mandatario aki por mira cu e inversion di 13 miyon florin den e tugboat Colorado na april di e aña aki ta dunando su fruta. Segun e mandatario, aña 2018 tabata un aña record den turismo crusero unda mas di 815 mil turista a bin Aruba por medio di un crusero. Segun cifranan cu a ser ricibi di e aña aki ta premira di lo surpasa e cifra di aña 2018 na final di aña. Por ehempel diamars tabata tin 3 barco crusero aden y mas di 10 mil turista crusero sin conta e trahadornan mes di e crusero, sigur un bon dia pa nos economia. E cambio por wordo sinti den turismo y tur e indicadornan ta papia pa nan mes.

  • Prijs di gasoline ta subi y diesel y kerosin ta baha mayan

    Prijs di gasoline ta subi y diesel y kerosin ta baha mayan

    ORANJESTAD - Despues cu luna pasa prijs di gasoline a baha un poco, e luna aki e ta bolbe subi. Minister di Finansas, Asuntonan Economico y Cultura ta anuncia e prijsnan nobo di benta di combustibel entrante 11 di december 2019:

  • Mega Plus di Lotto ta 625 mil florin awe!

    Mega Plus di Lotto ta 625 mil florin awe!
  • Aruparking: Tur hende por para den vak geel pa un luna largo

    Aruparking: Tur hende por para den vak geel pa un luna largo

    ORANJESTAD – Pa esnan cu ta usa parkeo hopi den Playa, tin un alivio. Por lo menos esnan cu no por haya lugarnan di parkeer facil. Aruparking a informa e siman aki cu durante henter e luna aki y te cu 7 di januari 2020, tur hende por para nan vehiculo den vaknan geel despues di 2or di atardi den siman y henter dia den fin di siman. No ta bisa si mester paga pa esaki of no si.

  • Powered by SETAR