Gobierno a contesta sindicatonan cu invitacion pa otro reunion dialuna

ORANJESTAD – Gobierno di Aruba a invita sindicatonan SADA, SPA, SIMAR, SEPPA y TOPA pa un siguiente reunion dialuna 2 di December pa sigui discuti e asunto di pago di indexering. Esey tabata e contesta cu e sindicatonan a ricibi diamars merdia. Esey tabata e ultimatum cu sindicato a duna gobierno. Sindicatonan no a duna indicacion si nan ta duna oido na e asunto, mirando cu gobierno ta tratando di ‘alarga’ e proceso mas, y asina purba di gana tempo. Sindicatonan lo laga sa proximamente kico ta e siguiente plan y cu si nan lo duna oido un biaha mas.