Ultimatum pa gobierno ta vence awe merdia 12’or

ORANJESTAD – Awe merdia 12’or e ultimatum poni pa sindicatonan SPA, SADA, TOPA, SEPPA y SIMAR contra gobierno ta vence. A duna gobierno te awe merdia pa bin cu un otro proposicion drechi pa por negosha e asunto di indexering. Di otro forma por spera mas posibel accion. Esey ta e consecuencia di e reunion di diahuebs ultimo unda cu sindicatonan a informa tur nan miembronan na Wilhelmina Park.

MENTIRA

Entre e ‘mentira’ ta cu gobierno ta bisando cu ta duna trahadonan publico 30 florin extra pa luna como oferta, pero en realidad e suma ta mucho menos y apenas 5.76 florin. Y asina gobierno lo ta bendiendo un plachi diferente. E sindicatonan ta bringando mas cu 8 luna caba pa logra convence gobierno pa paga nan indexering, pero gobierno na su turno a mustra cu nan no tin e forma awor, y ta purbando di acomoda e sindicatonan di un forma of otro, pero ainda partidonan no a logra haya otro.