Hulandes kier importa santo di Aruba pa traha hotel cu beach na Hulanda

GRONINGEN – Si ta pa e comerciante Hulandes Henk van Meekeren, otro aña lo cuminsa transporta bapornan yen di santo blanco di Aruba pa Hulanda pa crea un hotel nobo nobo cu ta hiba e nomber ‘Bon Bini Beachclub’. Ta trata di un tipo di hotel modern, nobo cu beach, propagandando ‘santo di beach di Aruba1”. Asina e portal Hulandes ‘In de buurt Groningen’ ta raporta. Nan ta referi na un entrevista cu van Meekeren den e portal NTV noord.nl. Si esaki ta posibel, ta un pregunta cu no tin contesta ainda. 

PROPAGANDA

No tin cu bay Aruba, St Tropez of Aruba mas, pasobra solo, laman y beach ta bin aki mes. Nan e asina yama ‘Paterswoldsemeer’ na Groningen. E intencion ta pa bin cu e hotel di 500 lugar pa sinta pafo, riba e terasa, cu un pier largo y ‘santo blanco’ importa di Aruba. 

E IDEA

E idea di van Meekeren a bin ora cu el a bishita un otro tipo di propiedad similar. Solamente cu e servicio a laga di desea, y el a kere cu e por haci esaki miho. El a cumpra dos hectare di tereno y a laga un oficina di arkitecto traha su propio beachclub.  E reaccion ta mixto.