Na Corsou gobierno kier vries indexering pa 4 aña cuminsando na 2020

WILLEMSTAD – Mientras cu na Aruba, sindicatonan di trahado publico ta bringando pa gobierno forza pago di indexering, na Corsou gobierno a anuncia cu nan ta vries esaki pa 4 aña. Segun e matutino extra, ta intencion cu gobierno ta manda un proposicion pa Parlamento pa susepende pago di e.o. loontrede, lumpsum di 3% y indexering di salario di tur ambtenaar pa 4 aña esta te 2023. Esaki den cuadro di e resultado di trabou cu e commission pa revisa presupuesto 2019-2022 a haci, e instruccion cu gobierno di Corsou a haya di RMR y tambe intencion poni den e strategia di crecemento di gobierno.  

E medidanan aki lo scapa gobierno di 32 miyon, na 2021 49.4 miyon y na 2022 67.1 miyon. 

Tabata e intencion cu pa dia 9 di December mester publica medidanan aki despues cu Parlamento aproba nan. Pa 1 di januari 2020, e suspension di pago di loontrede, 3% di lumpsum y indexering di salario pa un periodo di 4 aña mester drenta na vigor.