CEDE Aruba ta tumando nomber pa Boluntario di aña 2019

ORANJESTAD - CEDE Aruba ta tumando nomber pa Boluntario di aña 2019. Dia 19 di Januari 2020 lo entrega e reconocimento aki. Pa 3 aña consecutivo,  CEDE Aruba ta otorga un reconocicmento na boluntarionan cu a entrega su tempo y concoemento  na un of otro instancia / fundacion / club deportivo durante 2019.

Manera ta conoci  dia 5 di December Dia Internacional di Boluntario ta wordo celebra mundialmente y aki na Aruba mayoria clubnan – instancia o fundacion ta draai rond di hendennan balente y cu amor pa yuda nan prohimo.  Un dia cu ta pone atencion riba e trabao boluntario cu for di 1986 a ser proclama pa Nacionan Uni pa conmemora riba 5 di December.

CEDE Aruba ta preparando pa e di tres edicion di nan celebracion anual di boluntario, cu ta  di "Volunteer of the Year awards" (VOTY).  

“Na Aruba tin hopi instancia cu ta draai danki na trabou di boluntarionan cu ta dedica nan tempo sin exigi nada a cambio. Nan ta esnan cu ta facilita e trabao di un organicacion,” tabata palabra si sra Yolanda Richardson kende ta coordinadora di e Proyecto aki huntu cu sra Elsa Krosendijk.

“VOTY” awards a bira un galardon cu mayoria instancia ta warda riba pa asina bisa danki na e Boluntario cu a haci nan trabounan mas facil mirando con importante su ayudo ta na e intrancia.

Director di Cede Aruba sr Daniel Tacklenborg; “CEDE Aruba ta duna su sosten na tur organisacionan cu ta pidi yudansa na CEDE. Un dia di boluntarismo ta pa reconoce y gradici boluntarionan pero tambe ta desea pa nos ricibi mas boluntario pa yuda organisacionan cu mester di e yudansa aki durante aña.

Mirando e schedule di carnaval ta escohe pa fecha diadomingo 19 di Januari 2020 como e fecha official unda cu e tres actividad importante aki lo tuma lugar den New China Club. 

Cu e celebracion aki Cede Aruba lo gradici tur boluntario cu a destaca pa nan organisacion durante 2019. Boluntarionan cu ta duna nan tempo valioso sin pidi ningun recompensa lo wordo honra y lo ricibi un Award traha for di plastic recylca. 

For di awo Tur non profit organisacion na Aruba cu ta traha cu boluntario, ta wordo pidi pa nombra un boluntario cu a traha den nan organisacion y cu a haci un impacto grandi riba e organisacion durante  aña 2019.. 

E instancia, organisacion of fundacion cu kier nombra nan boluntario por hacie yenando formulario riba tinyurl.com/tlerd95 voty 2019. 

Si acaso nunca bo a registra ainda por hacie aki di biaha. Ultimo dia pa inscribe bo boluntario ta 1 di December 2019. Pa mas informacion por yama sra Elsa Krosendijk  na CEDE Aruba 582-7666.