- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Gobernador a firma presupuesto 2014
ORANJESTAD - Gobernador di Aruba a firma e ley di Presupuesto di Aruba 2014 y e ley pa modificacion di Presupuesto di Aruba 2014. Cu esaki ta yega un fin na e Decreto Real di 11 di juli 2014. Dia 11 di juli 2014 Conseho di Minister di Reino a dicidi pa entrega un indicacion na Gobernador di Aruba pa wanta firmamento di Presupuesto di Aruba 2014, cu Parlamento a aproba dia 25 di juni 2014 y pa laga haci un investigacion riba realidad di e calculacionnan den e presupuesto aki y e desaroyo di mas aña di finanza publico di Aruba.
Secretariado di College financieël toezicht (Cft) a ehecuta e investigacion aki. Relaciona cu e investigacion aki, e secretariado a manda un reportahe pa Gobernador dia 12 di september 2014. Basa riba resultadonan di e secretariado y den liña cu articulo 2, inciso dos, di e Decreto Real, Gobernador a invita Minister di Finansa y di Organisacion Gubernamental, teniendo cuenta cu resultadonan di e investigacion di secretariado di Cft, pa prepara un Landsverordening pa modificacion di e concepto di e Presupuesto di país Aruba 2014.
Dia 13 di november 2014 Gobierno a entrega na Parlamento e concepto di e Landsverordening pa modificacion di e concepto di Presupuesto di Aruba. Dia 28 di november 2014 Parlamento a aproba e concepto di e Decreto Gubernamental aki. A base di articulo 2, inciso cuatro, di e Decreto Real di dia 11 di juli 2014, Gobernador a bolbe presenta e modificacion di e presupuesto pa conseho na secretariado di Cft. Awe e Colegio aki a entrega su conseho.
Relaciona cu e conseho aki Gobernador a dicidi cu no tin suficiente motibo pa no keda sin stipula e dos Landsverordeningnan den concepto cu Parlamento a aproba, y a firma prome e landsverordening pa stipulacion di Presupuesto di Aruba 2014 y despues el a firma e landsverordening pa modificacion di e presupuesto di Aruba 2014.
Cu firmamento di tur dos Landsverordening a cumpli cu e indicacion cu Gobernador a haya for di Conseho di Minister di Reino. Cu esaki a yega un fin tambe na e Decreto Real.