Pareha di ex minister di Aruba sentencia na castigo di prison na Hulanda

AMSTERDAM – Corte na Amsterdam a sentencia ex director di e hospital Slotervaart Aysel Erbudak na 15 luna di prison incondicionalmente, y un prohibicion pa ta director pa 6 aña y 3 luna. Erbudak ta pareha di Richard Visser, ex minister den gabinete Eman. A haya Erbudak culpable na malversacion di 1.2 miyon euro, y falsificacion di documento. Ministerio publico a pidi 2 aña di castigo di prison y pago bek di e placa malversa.  

CASTIGO

Ora di sentencia, Corte a tene cuenta cu e strafblad di Erbudak. Na 1996 y 2000, a sentencai caba, e tempo ey pa ta miembro di un organisacion criminal y fraude. E chens ta grandi cu Erbudak lo apela e sentencia. 

HISTORIA

Erbudak tabata presidente di directiva di e hospital te cu su retiro na 2012. Cu su socio Jam Schram el a bira doño di e hospital na 2006, cu tabata a borde di bancarota. Bou di su maneho, el a saca e hospital for di e situacion penoso, pero despues toch e hospital a bolbe den cifra cora. A retira Erbudak ora cu su socio a fayece, y cu e seguro medico Achmea a drenta den un conflict cu otro. Den casonan civil, Erbudak a keda declara bancarota. 

VISSER

Durante e ultimo eleccion, su pareha Richard Visser, kier a haci un regreso den politica y a core campaña. Den e programa Noticiacla LIVE, Visser a desmenti tur e acusacionan contra su pareha, y a bisa cu ta fabrica y cu tin finnan politico su tras pa caba cu ne y su pareha. Pero cu nada di loke ta wordo bisa, no ta berdad. Visser no tabata exitoso den su di tres intento. Den su prome intento, Visser a bira parlamentario, y despues a bira minister di e.o. salud y Deporte. Potret cortesia Het Parool.