Darlaine Guedez ta reemplasa Luigi Bergen como Parlamentario

ORANJESTAD – Miembro di partido Darlaine Guedez-Erasmus, lo reemplasa Luigi Bergen den Parlamento. Esey a bira e siguiente pregunta ora cu Bergen dialuna mainta a anuncia su retiro ‘temporal’ di partido MEP mas prome dialuna. E prome cu tabata den liña, ta miembro di partido y ex parlamentario Sue Ann Ras, pero el a considera cu esun cu mester bin na remarke ta e siguiente cu ta Darlaine,  y asina a sigui pa Darlaine tabata number 17 riba e lista di MEP na 2017 y a obtene 525 voto. Darlaine ta casa y ta mama di dos yiu. Darlaine a lanta den e districto di Paradera y tabata activo den varios acrividad social den bario. E tin un HBO diploma Sociaal Pedagogische Hulpverlening y a traha cu adictonan, problemanan social, problemanan den famia y ultimo dos aña a traha cu Minister Glenbert Croes riba e tereno social. Segun partido. Awor Darlaine lo por aplica su conocemento, experiencia y vision den e organo constitucional mas halto di Aruba.