Knops: Aruba lo presenta un presupuesto 2020 nobo na Parlamento

Knops: Aruba lo presenta un presupuesto 2020 nobo na Parlamento

Posted on 11/24/2019 9:41 pm AST | Updated on 11/24/2019 9:44 pm AST

DEN HAAG – Aruba lo presenta un presupuesto 2020 nobo na Parlamento. Asina minister Knops a declara diabierna, reaccionando riba e ultimo Rijksministeraad (RMR) di diabierna. Premier Wever di su banda mientrastanto a bisa mes momento cu e cambionan cu Hulanda kier, ta incorpora caba den e presupuesto.  No ta conoci si esaki kier men cu esun cu gobierno a bisa recientemente cu a logra e surplus ta wordo cambia, of cu e ta referi na esun ey.   

DEAL PERO.. 

Wever a bisa e portal aki recientemente ainda cu Aruba ta dispuesto pa cumpli cu e rekisitonan, (hinca Sociaal Crisis Plan den presupuesto), contal cu Aruba no haya un aanwijzing. Y na Hulanda a declara cu e cambionan menciona, lo ta aden caba. Loke tambe Wever a bisa, ta cu awor tin cu trata e presupuesto, cu mas probable lo ta den luna di januari 2020, unda cu tur e cambionan mester realmente tuma lugar. Wak e entrevista cu Knops AKI.  E videonan ta cortesia Caribisch Netwerk. 

 

  • Arubahuis a habri registro di condolencia pa Padu Lampe

    Arubahuis a habri registro di condolencia pa Padu Lampe

    DEN HAAG  – Arubahuis a habri un registro di condolencia pa Juan Chabaya (Padu) Lampe. E gran musico, compositor y pianista Arubano a fayece 28 di november ultimo na edad di 99 aña. 

  • Bosman: Aruba kier coregi presupuesto cu palabracionan ‘suave’

    Bosman: Aruba kier coregi presupuesto cu palabracionan ‘suave’

    DEN HAAG/ORANJESTAD – E forma con gobierno di Aruba kier coregi e presupuesto 2020 segun representante di partido VVD den Tweede Kamer Andre Bosman, ta haciendo palabracionan ‘suave’. Asina e parlamentario ta reacciona riba preguntanan di noticiacla basa riba su ultimo declaracion haci. Recientemente e portal aki a papia cu e parlamentario riba e reunion cu premier Evelyn Wever Croes a tene cu e comision di Tweede Kamer na Hulanda unda cu Bosman tabata participe. Y basa riba su contestanan, e portal aki a hacie un serie di pregunta mas, y awe Bosman a contesta esakinan. 

  • Desaroyador Hulandes ‘no tabata sa’ cu no por exporta santo di Aruba

    Desaroyador Hulandes ‘no tabata sa’ cu no por exporta santo di Aruba

    GRONINGEN – Si no por haya santo di Aruba, ta busk’e otro caminda. Asina e desaroyador Hulandes Henk van Meekeren a bisa riba e asunto di exporta santo di Aruba pa Hulanda. Minister di infrastructura Otmar Oduber a informa e portal aki noticiacla.com cu e ‘flie’ ey no ta subi y cu no ta permiti exportacion di santo blanco di Aruba pa exterior. Segun e desaroyador Hulandes, e por hari pa e conmocion cu a surgi. (Ora cu e portal aki a publica e noticia inicial recientemente).  “E tabata un idea. Bo tin cu bisa algo, y ta bira conoci hopi liher si e (idea) ta realisabel of no”. “Pero mi no ta wak pakico e mester ta un problema. Tin suficiente santo riba e isla. Nan lo no ripara (mes) si un barco cu santo sali pa Hulanda” e comerciante ta sigui bisa.

  • Reduccion di velocidad pa 100 km na Hulanda ta otro aña maart

    Reduccion di velocidad pa 100 km na Hulanda ta otro aña maart

    DEN HAAG – E reduccion di velocidad maximo di trafico na Hulanda di 130 of 120 km pa or ate na 100 km pa ora, ta drenta na vigor mitar di luna di maart di 2020. Asina minister Van Nieuwenhuizen ta bisa Tweede kamer. “Tin mester di tempo pa por adapta tur borchi” e mandatario a bisa. Mas prome gabinete a dicidi cu lo cambia e velocidad solamente den dia pa 100 kn, pa asina reduci e emission di nitrogeno, cu ta un problema pa agriculturonan. Cu esaki por crea espacio pa crece e sector di construccion atrobe. Esey tabata necesario pasobra asegun Raad van State, a dicidi cu e acercamiento Hulandes contra nitrogeno no ta cumpli (cu rekisito). Debi na e cantidad di nitrogeno cu ta keda emito pa e parti di agricultura y trafico, e bioversidad den areanan afecta di Hulanda, ta bou di presion. Lo haci e cambio di boric entre 12 y 16 di maart 2020. Esey ta nifica cu desde 16 di maart mainta 6’or, e velocidad nobo ta drenta na vigor na Hulanda. Unda cu antes despues di 7’or por a core 120 of 130 km pa ora, esaki ta sigui normal. Fuente y potret cortesia NOS.nl

  • Representante di Hulanda na Aruba cu bishita di cortesia na Minister Besaril

    Representante di Hulanda na Aruba cu bishita di cortesia na Minister Besaril

    DEN HAAG  – E representante suplente di Hulanda na Aruba David Abrahams a haci un bishita di cor-tesia na Minister Plenipotenciario Guillfred Besaril. Sr. Abrahams a wordo acompaña pa Erwin Arken-bout, representante di Hulanda pa Aruba, Curaçao y St. Maarten. Durante e bishita a toca algun tema actual, manera e situacion financiero di Aruba. Otro tema actual ta e situacion na Venezuela y su impacto pa Aruba. Minister Besaril a comparti cu sr. Abrahams su experencia na e Conferencia Internacional na Bruselas riba e crisis cu refugiadonan Ve-nezolano. E mandatario a bisa di ta contento cu e por a duna atrabes di un intervencion, e impacto cu esaki tin riba Aruba y e otro islanan den Caribe. Finalmente Minister Besaril a desea sr. Abrahams hopi exito den su funcion como representante suplente di Hulanda na Aruba. E potret ta cortesia di Cas di Aruba

  • Caso di hacking di hospital a bira noticia internacional

    Caso di hacking di hospital a bira noticia internacional

    ORANJESTAD/ DEN HAAG – E noticia di hacking di sistema di hospital Horacio Oduber a yega rednan internacional. Y awe e ta riba e corant Hulandes De Telegraaf cu e cabez: Hackers leggen ziekenhuis Aruba plat. Esey tin consecuencia cu e la plama internacionalmente caba dunando Aruba mal nomber riba e tereno aki. No ta conoci ainda ki otro efecto esaki por tin, y si e por tin consecuencia si e noticia aki plama na Aruba. sigur no si no sa ki efecto e por tin riba pashentnan y nan datonan. Manera ta conoci, diaranson anochi laat gobierno a tene un conferencia di prensa pa anuncia cu nan a activa e ley di calamidad pa asina duna espacio pa por actua mas liher si e situacion rekeri esey. A admiti cu mientras cu e situacion awor ta uno di crisis, e no ta un calamidad ainda. Di otro banda, no kier a confirma e gravedad y mas detayes. 

  • Powered by SETAR