Kiwanis Club of Aruba a celebra dia universal di derecho di mucha

ORANJESTAD -  Riba dia 20 di november mundo henter a conmemora y celebra Dia Universal di Derecho di Mucha y en conexion cu e dia aki, Kiwanis Club of Aruba a celebra cu 90 mucha di diferente districto di Aruba. E tema di a aña aki ta; “Conoce nos heroenan local”. E meta tabata pa e muchanan conoce un poco di e trabou cu diariamente Cuerpo Policial Aruba, Brandweer Aruba, Ambulance ImSan, K9 Unit, Motor Unit, KIA y Kustwacht ta hasi incansablemente pa proteha y brinda seguridad na nos pais.

E diasabra a cuminsa tempran, caminda na yegada e muchanan wordo ricibi pa e miembronan di Kiwanis Club of Aruba cu a prepara pa nan un mainta debertido, educativo yena cu alegria y sorpresa. Despues di un delicioso desayuno, e muchanan a bay pafor pa asina topa cu nos heroenan local. Polis, Polis Motorisa, K9 Unit, KIA, Kustwacht, Brandweer y Ambulance a hasi un presentacion caminda nan a duna splicacion y demostracion di nan trabou. E muchanan tabatin e oportunidad di haci pregunta y experencia un poco mas di e trabou di nos heroenan local. E muchanan por a mira y conoce e truck, ekipo y unidadnan mas di serca. Por a mira e muchanan hopi entusiasma suchando cu hopi atencion. 

Durante e dia e muchanan a ricibi: awa, juice, sandwich, fruta, juice, donuts y bolo. Na final di e dia e muchanan a ricibi un “surprise bag” yena cu articulo manera; pen, potlood di Aruba, blocknote, slijper, coy hunga, schrift, kleurpotlood, juice, chips, mangel y buscuchi.