WILLEMSTAD – Famia di e rifero Robbie Dos Santos a ofrece 1 miyon dollar na esun(nan) cu tin informacion valido di ken a participa den e morto di politico Helmin Wiels. Asina ruman homber y parlamentario Amparo Dos Santos a bisa den un conferencia di prensa diahuebs merdia. E unico forma cu e persona(nan) por comunica pa duna e informacion cu por conduci na soluciona e caso, ta via SMS of whatsapp. E number ta 59995210310. A pidi pa no yama e number of bishita ningun hende, pero manda e mensahenan, y un ekipo lo ta cla pa analisa e data y wak si e ta veridico y asina sigui pa por duna ministerio publico pa sikiera asina nan por yuda soluciona e caso. Esaki pasobra e famia a perde tur speransa den OM y Corte y no tin confiansa den ningun di dos.
MOLESTER
Dos Santos papiando na nomber di famia, a bisa cu e famia ta wordo molestia sin cu nan tin algo di haber cu e caso di morto di Wiels. Dos di su rumanan ta cera, George Jamaalodin y Robbie Dos Santos, sin cu nan tin algo di haber den e caso aki. Segun Dos Santos, ta partido PAR tin problema cu ora cu na 2010 PAR y MFK a gana eleccion na Corsou, cu a laga PAR afo y cu PAR a haya rabia riba nan. Segun Dos Santos, ta culpa su ruman Robbie di ta financiado di e campaña politico di partido MFK, y cu e tin chens di huy. Pero Dos Santos a sigura cu su ruman Robbie tin asina hopi placa cu e por huy y disparse, pero no a hacie pasobra e no tin nada di sconde. Ta Hulanda su mafia ta orchestrando tur e loke ta sosodiendo, y e famia ta cansa y ta pesey a dicidi di bin cu e ‘oferta’ aki.
E PLACA
Pa loke ta origen di e placa, Dos Santos mesora a bisa cu e sa cu esey tambe ta bin awor, puntrando di unda e placa a sali. Dos Santos a sigura cu e placa ta di herencia di su mama, di famia y esey ta e placa cu a pone riba mesa pa por yuda soluciona e caso. Potret ta screenshot di conferencia di prensa cortesia di Vigilante.
CARACAS – E plannan pa activa e ruta di ferry entre La Vela de Coro y isla di Corsou, ta sigui, pero tin un retraso temporal den su ehecucion. Asina e representante di e empresa Caribbean Fast Ferry, Iliana Martínez, a declara diahuebs na e portal El Nuevo Dia. E empresa a cuminsa cu e construccion di e waf y terminal na e zona franca di Corsou, pero un restructuracion di e empresa Hulandes a alarga e culminacion di e trabou. No obstante esey, ta premira cu pa e di tres of cuater trimester di e aña, ta inaugural e ferry. Martínez a splica cu e disposicion di e waf na e boca di Santa Ana a keda estableci pa probecha e bentaha di e mercado y cu ambos pais lo beneficia. E intencion ta pa compete cu e prijsnan di Panama. A splica cu ora cu caba completa e prome fase, cu ta construccion di e haf, lo sigui e proceso di permisonan necesario. E di tres fase lo ta pa eleva Parlamento di Corsou pa e apertura di mobilisacion di e pasaheronan. Ta premira cu e intencion ta pa e ferry transporta 86 pasahero. E intencion di e prome fase ta pa transporta solamente pawsahero, sin auto, pa despues tambe inclui auto. E intencion ta pa permiti turistanan Hulandes, cu ta bin pa temporada largo, pa duna nan e posibilidad pa bishita Venezuela asina tambe.
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.