Trahadonan di fundacion tambe kier pago di indexering

Trahadonan di fundacion tambe kier pago di indexering

Posted on 11/21/2019 11:31 am AST | Updated on 11/21/2019 11:33 am AST

ORANJESTAD – Trahadonan di un grupo di fundacion a protesta diahuebs mainta na porta di gobierno (Bestuurskantoor), relaciona cu e pago di indexering. Nan ta mustra cu nan tambe merece e atencion aki y ta sinti cu gobierno ta discrimina e trahadonan aki. E trahadonan a pidi pa pone paro na e malo cu a sosode na 2016 (outputsubsidie) y drecha e situacion cu pago di indexering. Pero si gobierno ta para ariba cu no por paga e trahadonan di fundacion indexering, nan lo ta mes malo cu e gobierno cu a crea e situacion malo, esta e gobierno anterior. A mustra cu e salario di fundacion ta mesun cos cu e sistema di salario di gobierno. E ta un sistema cu ta propio gobierno a introduci y gobierno tras di gobierno a respeta esaki. Ta na 2016 gobierno a cambia e situacion cu e asina yama output subsidie y a cuminsa haci maniobranan straño. A presenta e carta di protesta na e ministernan Dangui Oduber y Xiomara Maduro, cu a ricibi e grupo di trahadonan den protesta. Potret ta screenshot di video di protesta for di facebook di Gabinete Wever Croes. 

  • Zulo
  • Powered by SETAR