DVG y NCTVI ta confirma cu sistema di IT di HOH ta gravemente afecta

ORANJESTAD - E sistema di IT di dr. Horacio Oduber Hospital (HOH) ta gravemente afecta. Asina Departamento di Salubridad Publico (DVG) y e Nationaal Centraal bureau Terrorismebestrijding, Veiligheid en Interpol, a informa diaranson anochi. E situacion ey a pone cu HOH actualmente a bay over na un sistema manual. Esaki por trece cune cu por experiencia cierto tardansa. 

CUIDO STABIL

Tin cu enfatisa cu e situacion di cuido na e momento aki ta stabil y cu tur partido envolvi ta haciendo maximo esfuerso pa garantisa e continuidad y calidad di cuido. Pa e situacion technico tin un colaboracion extenso entre expertonan di sector publico y priva. HOH a pidi comprenshon pa cu e situacion actual di Hospital. Na momento cu tin desaroyo nobo nan lo comunica esaki debidamente.