ORANJESTAD - Tin motibo suficiente pa celebra. E aña aki ta un aña grandi pa loke ta trata Derecho di Mucha. Riba 20 di november ta dia nacional y internacional di Derecho di mucha, e Convenio di Derecho di Mucha ta cumpli 30 a?a di excistencia y Fundacion Telefon pa Hubentud Aruba ta celebra cu 20 a?a pasa e prome mucha a tuma contacto cu e number 131 pa prome biaha.
Fundacion Telefon pa Hubentud Aruba for di inicio a opera basa ariba e Convenio di Derecho di Mucha. Segun articulo 1 di e Convenio di Derecho di Mucha, tur persona te cu 17 a?a ta un mucha. Articulo 12 y 13 di e Convenio di Derecho di Mucha ta mustra ariba e importancia pa e mucha tin un opinion y pa e por expresa esaki. Tawata un grupo di persona cu coraje y motivacion cu for di e tempo ey a mira cu door di diferente motibo, tawata tin muchanan na Aruba ta yega cas despues di ora di scol y no tawata tin ningun persona pa nan por papia cune. Ariba 20 di november 2019 tawata e prome biaha cu un mucha a yama e number 131 y expresa su mes.
Pa 20 a?a largo a scucha mas di 45.000 mucha y hoben via telefon, email y chat, y a duna informacion preventivo na no menos cu 85.000 persona. Fundacion Telefon pa Hubentud Aruba Semper tawata e aliado di mayornan den educación di nan yiunan. Prevencion di Termentono na Scol, Violencia no ta Bon, Seksualidad, Met praten kom je verder, Esaki ta bo Derechonan, Sport Gedragscode y Best Dad Ever, ta algun di tur e proyectonan cu den e 20 a?a nan aki a ser desaroya y duna na nos mucha, hoben, mayor y profesionalnan.
Bayendo bek na e raíznan di Fundacion Telefon pa Hubentud Aruba, ariba diaranson 20 di november lo duna e hoben di Aruba e oportunidad pa durante Pro / Contra expresa nan mes. Pro / Contra, un debate caminda e hoben ta bay expresa su opinion ariba normanan y decicionnan cu e tin cu bai carga den futuro.
Cu miras ariba futuro, cu un equipo di cinco miembro di hunta, 35 mentor voluntario y dos personal, Fundacion Telefon pa Hubentud Aruba ta cla pa sigui duna e muchanan y hobennan di Aruba e oportunidad pa sigui expresa nan mes.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.