Polis deteni relaciona cu iregularidadnan den asunto di rijbewijs

ORANJESTAD – For di diamars, tin un polis mas deteni y ta bou di investigacion. Diamars atardi laat vocero di polis Lito Laclé a emiti un boletin breve informando solamente cu e polis J.A.M. P. a keda deteni relaciona cu un investigacion cu ta andando. “Debi na e hecho cu ta trata di un investigacion activo nos no por duna mas informacion na e momentonan aki”. Noticiacla.com tin informacion e polis hopi conoci aki, ta deteni relaciona cu e proyecto di digitalisacion di rijbewijs, pa cual e tabata encarga cu ne. 

COSNAN FOUT

Cosnan no a bay corecto den e departamento, pa cual a opta pa detene e polis P. aki, pendiente mas investigacion. Loke ta haci e asunto dificil pa hopi, ta cu ta trata di un polis hopi conoci y popular den comunidad, y tabata e cara di polis di trafico pa un tempo, unda cu e tabata duna informacion riba leynan di trafico, y tambe tabata envolvi den patruya motoriza. Awor e polis ta deteni, pendiente investigacion den loke por wordo cataloga como ‘rijbewijsgate’, pa asuntonan cu no a bay manera mester ta.