Scohe pa ‘mancomunidad’ ta keda na propio islanan di Reino

DEN HAAG – Hulanda no por impone e islanan caribense hulandes pa cambia e status di Reino, den un ‘man comunidad. Toch Tweede Kamer a discuti esaki dialuna den nan seno (sin presencia di minister di Asuntonan di Reino Ronald Plasterk), riba e plan di partido VVD y SP.

VVD y SP ta bisa cu nan kier logra ‘claridad y vision’ cu nan ‘initiatiefnota’ kier cuminsa un discusion riba e tema. Pero partidonan PvdA, ChristenUnie (CU), CDA y D66 no kier descarta ningun opcion. “Esey no tin sentido si e otro paisnan no ta mira nada den un mancomunidad” segun Gert-Jan Segers (CU). "Esey no ta na discusion awo”

E diferencianan grandi entre e miembronan presente, tabata bisto hopi liher den e discusion. Esnan cu a inicia e plan, esta André Bosman (VVD) y Ronald van Raak (SP) a subraya cu nan kier deshaci di e relacion ‘conflictivo’ di e partnernan y e responsabilidad final di Hulanda pa cu e desaroyo di e paisnan. Pesey nan a sugeri un construccion di un tipo di mancomunidad den cual tur pais ta completamente autonomo, pero si por traha hunto si nan palabra esey.

E miembronan di Tweede Kamer a bisa di ta dispuesto pa den un construccion di e mancomunidad, sera palabracionnan individual cu cada pais, basa riba igualdad y unda exactamente Hulanda por y no por brinda ayudo, y bou di cua condicion. “Nos no kier kibra e relacionnan, manera cu ta wordo pensa. Pero nos kier si pa e relacionan ta mas cla cu nan ta aworaki” segun Bosman.

E igualdad for di e proposicion, ta conduci si na e hecho e ora cu Hulanda por nenga un peticion pa cooperacion, segun Roelof van Laar di PvdA .E ta puntra su mes pesey, pakico VVD y SP no ta profila nan propoposicion mas miho cu e ta. “Con bo ta bay bringa e guera contra pobresa, y con bo ta atende cu traficacion di hende y corupcion, si e partidonan politico di e paisnan, no ta actua y goberna segun interes general.

Articulo y foto di Caribisch Netwerk. Lesa aki pa e articulo original y completo.