Gobierno di Aruba dispuesto pa hinca SCP den presupuesto

ORANJESTAD – Gobierno ta dispuesto pa 2020 hinca e crisis plan social den presupuesto envez di separa, pa complace Hulanda. “Asina leu nos a bay”, Wever a bisa cu nan a bisa Hulanda pa asina mustra nan buena boluntad contal cu Hulanda no duna Aruba un aanwijzing. E aanwijzing ta basa riba dos punto cu ta e gastonan di personal y tambe e impuestonan cu lo no ta necesario segun Hulanda. Hulanda no kier wak e SCP pafo di presupuesto, y gobierno kier tene separa. No cumpliendo cu Hulanda, lo por conduci den un aanwijzing. Algo cu Aruba kier evita cu e pasonan menciona.  

BIAHE PA HULANDA

Manera ya informa, Wever a bisa cu e ta biaha pa Hulanda diamars atardi y ta bek diasabra, durante cual bishita e lo delibera cu diferente persona riba e temanan menciona. Entre nan, lo reuni cu commission di Reino di tanto Eerste como Tweede Kamer, minister Rutte y Knops, y ta presente diabierna den Rijks Ministerraad. “Ta importante pa nan tende di gobierno di Aruba, kico ta pasando na Aruba” Wever a bisa. E reunion cu Eerste y Tweede Kamer, ta basa riba inquietudnan cu nan (E &T Kamer) tin riba Aruba y cu Wever lo purba convence nan pakico un aanwijzing no ta necesario