McDonald’s ta celebra su campaña di ‘Great Day’ en grande pa recauda fondo pa Centro Man na Obra

Posted on 11/18/2019 4:17 pm AST | Updated on 11/18/2019 4:17 pm AST

(ADVERTORIAL)

ORANJESTAD -  Ariba Diabierna, 22 di November cuminsando for di 8’or di mainta, McDonald’s lo organisa su campaña di “Great Day”. Ariba e dia aki, cada compra di e famoso Big Mac lo bay pa Centro Man na Obra, un departamento pa adulto di Fundacion pa persona nan cu un deficiensia intelectual aki na Aruba. 

Great Day ta un celebracion cu lo tuma lugar henter dia y pesey McDonald’s ta invita tur su cliente nan pa uni y asina aporta na e meta di Centro Man na Obra. E iniciativa aki ta coresponde na e promesa di Arcos Dorados, operador di McDonald’s den e mercado di Latino America y Caribe, pa asina reduci e reto nan di empleo pa hubentud den e region. 

Tur restaurant di McDonald’s lo participa den e Great Day y lo tin un celebracion special na McDonald’s Seroe Blanco ariba Diabierna, 22 di November. Cliente nan di Centro Man na Obra lo ta presente pa duna bon bini na aportante nan di e campaña aki. 

McDonald’s a invita 5 influencers pa un “meet and greet” y tambe nan lo traha den cushina y den e bentana di drive thru durante dia (for di 12’or-7’or di anochi). E 5 influencers nan aki ta Danna Garcia, cu ta nos Miss Aruba actual, Mark Benson (media), Nen Flores (media), Lindy Croes (entrepreneur), y artista Carl Roosberg mihor conoci como “Galloway”. CoolFM lo ta presente di 12’or - 2’or di merdia pa transmiti e evento via radio, sigui pa entretenimento di un DJ for di 3’or –7’or di anochi. Esaki lo clausura cu musica di e banda popular y conoci, Honeypot cu lo cuminsa for di 7’or y mey di anochi. 

Henter comunidad di Aruba ta cordialmente invita pa uni y celebra McDonald’s su Great Day na e localidad di nan gusto, y pa celebra e actividad na e localidad di Seroe Blanco ariba Diabierna, 22 di November for di 8’or di mainta pa 9’or di anochi. 

Tocante Centro Man na Obra

Centro Man na obra (Stichting Verstandelijk Gehandicapten Aruba) ta un fundacion cu ta educa, guia, y cuida adulto nan di 16 aña pariba cu un deficiensia intelectual. Centro Man na Obra su meta ta pa brinda guia laboral pa asina e cliente por haya mas confianza propio, por yuda su mes riba mas tereno, sinti su mes mas util, bira mas independiente y pa algun cliente hasta pa nan por haya un trabao den nos mercado laboral. Actualmente Centro Man na Obra ta conta cu 75 cliente registra. 

 

  • Powered by SETAR