CFT: No tin palabracion cu Aruba riba presupuesto 2015

WILLEMSTAD/ORANJESTAD  – E Colegio di Supervision Financiero (Cft) no a haya tarea pa controla e presupuesto 2015, y pa asisti e asina yama ‘secretariado’ di e Conseho Fiscal ,-cu ta keda formalisa na 2016-,. Den un combersacion cu Caribisch Netwerk diamars, e secretario di CFT, Kees van Nieuwamerongen ta bisa cu esaki ta meramente plannan di e gobierno di Aruba, cu a wordo hinca den e presupuesto. Cu gobierno di Aruba ta haci gasto awor, door di paga cierto bonus na pensionado, Nieuwamerongen ta haya hopi ‘curioso’.

Prome cu tin un acuerdo manera ariba menciona, mester palabra dentro di Reino, cu e colegio di supervision por bolbe presta su servicio na Aruba. Contrario na loke cu premier Mike Eman y minister di finanza Angel Bermudez a declara anteriormente, esaki no a sosode ainda. Cu si esaki a wordo discuti caba na Hulanda, ta bien posibel, segun e secretario.

Loke tin riba programa awor, ta cu e secretariado di CFT mester controla e presupuesto adapta di 2014, prome cu gobernador por firma esaki. Den e formulacion di e presupuesto aki, CFT tabata meramente limita na solamente dunamento di conseho. Riba esaki, e secretariado a basa su mes riba e asina yama ‘balance budget accoord’ di gobierno di Aruba. Articulo di Caribisch Netwerk. Foto di Kees van Nieuwamerongen ta di LinkedIn. Lesa aki pa e articulo original y audio di e entrevista.