- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Utilities NV: Tin transparencia completo den negociación di préstamo cerca Elmar y WEB
ORANJESTAD - Tin transparencia completo den negociación di préstamo cerca gerencianan di Utilities Aruba, Elmar y WEB. Asina e director interino di e compania Utilities, Richard Eman a informa pa medio di un comunicado diabierna. Utilities ta referi na e publicacion cu recientemente a sali di un club (vereniging) di trahadornan di WEB cu ta bin cuestiona e transparencia di un negociacion di préstamo. “E club aki no ta un sindicato pues no ta pas den nos structura di nos statuut” Eman ta sigui bisa. Ademas segun e director, Utilities ta mustra cu e préstamo aki ta un préstamo, consolida, pa Utilties Aruba, Elmar y WEB.
E ta sigui mustra cu a wordo hasi un escogencia pa consolida e préstamo entre e tres companianan pa motivo cu bo ta haya un volumen hopi mas grandi cu hopi mas dekking financiero y asina bo por exigi un mihor condición di préstamo.Di acuerdo cu moción di Parlamento cu ta pidi pa un fusie entre web y elmar un préstamo consolida ta un exigencia. Un fusie cu lo tuma basta tempo pa realisa y ta un proceso basta complica na unda tur trahador mester por keda cu nan derecho.
A sigui mustra cu e discusionan pa un prestamo asina ta data di basta tempo pasa y ta na mei 2018 sr. Frank Hoevertsz a firma un acuerdo cu un compañía cu yama Finance Quest pa actúa como arranger. Pues un consehero cu mester bai traha un business plan, reken model y contract pa acerca e banconan pa pidi nan pas enscribi pa un préstamo.
"Negociancionan riba e prestamo a cuminsa draai na comienzo di januari 2019 despues cu WEB a firma un acuerdo cu Wartsila y tabata conocí cuanto placa lo mester tin pa e proyecto ey. Un proceso di préstamo cu ta asina grandi y tin tanto banco envolví ta normalmente un proceso basta largo. E status di e préstamo ta : tur contract ta cla, gobierno a duna e cartanan cu nan mester a duna y e único cu falta ta un licencia di devisas di CBA, Banco Central di Aruba. E petición pa e licencia aki a wordo entrega 13 maart 2019. Una vez e licencia drenta ta firma e acuerdo entre e banconan y Utilities Aruba, WEB y Elmar. Por cierto mi por bisa cu e préstamo aki ta esun cu mas mihor interest y condición pa nos, Utilities, WEB y Elmar cu ami a yega di experiencia." Eman a sigui bisa.
Segun Eman, pa bin back riba e publicación no por ta asina cu un club ta bin purba negocia of publica den media riba esaki. Negociannan di préstamo cu banconan no ta wordo publica den media; esaki simplemente no por. E ta sigura cu gerencia di Utilities, WEB y Elmar ta activamente envolví den henter e proceso aki hunto cu e banconan local y international (lenders). Pues, den tur tres gerencia di e companianan tin transparencia total. "Tin masha hopi mail a bai y bini den cual tur mail, en especial WEB su gerencia y abogado, ta envolví".
" E principio basico di un préstamo ta e credibilidad di e borowers ( UA, WEB y Elmar) cerca e banconan. Haciendo publicacionnan manera a sali ayera definitivamente no ta contribui na esaki. Lo que ta trata situación financiero di WEB mi mester bisa cu WEB tin suficiente fondo pa cumpli cu su obligacionnan di payroll, operation etc. Esey nunca Utilities lo permiti pa esaki corre peliger” Eman a finalisa bisando. Potret ta di youtube.com
Travel& Leisure: Aruba ta top lista di 10 resortnan all-inclusive den Caribe
ORANJESTAD – Danki na un di e hotelnan all-inclusive na Aruba, nos isla ta na prome lugar di e top 10 di miho All-inclusive resorts pa famia den Caribe. Por lo menos segun e portal Travel & Leisure. Ta trata di e resort Tamarijn Aruba. Segun e articulo en cuestion, loke ta haci e diferencia den e destinacionan Caribense, ‘ta e abundancia di resortnan increibel all-inclusive’. E ta un forma perfecto pa famia por disfruta. Y ta describi tur e loke e turista por goza di dje. Mester bisa cu e resultado di e top 10 ta basa riba experiencia personal di e escritor di e portal turistico.
KVK: Mayoria compania ta pensa cu e scarsedad di trahado lo empeora
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
Mas turista Colombiano ta biahando pa Corsou envez di Aruba den 2024
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
Pa aña 2024 y 2025, ATIA lo enfoca mas riba e tema laboral
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
Aruba Bank ta presenta un serie di entrevista cu su Mortgage Advisors – “Caweta di Hipoteca”
A.T.A: Turismo ‘stayover’ pa Aruba a crece cu mas di 25% den maart 2024
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
Follow NoticiaCla
