Aruba ta jega final pa prome biaha den Nations Cup Beach Tennis

Posted on 11/15/2019 9:14 am AST | Updated on 11/15/2019 9:15 am AST

ORANJESTAD - Aruba ta yega final pa prome biaha den Nations Cup Beach Tennis. Por a tuma nota di un alegria inmenso, no unicamente riba e hungador nan cara, sino riba cada un local cu tabata presente, ora Aruba ta gana Brazil, e campeon nan di 2018 pa loke ta Nations Cup 2019. Cu e victoria ey, Aruba automaticamente a pasa pa prome biaha den historia di Aruba Open Beach Tennis, pa un final.

Pa e ultimo aña nan Aruba ta logra jega na semi-finals, pero nunca ta logra vence nan contrincante pa asina por hunga e final. Esei tabata un soño di cada un di e hungadornan, pa por hunga un final, durante un torneo asina grandi, y na cas. Esaki a pasa ayera nochi

Despues di cu e ekipo di damas a cai venci contra Brazil, a keda na e team masculino pa segura un victoria pa asina bai un set decisivo cu e mixed team. Aksel y Sander a percura pa esaki y a habri caminda pa Dominique Hopman subi veld bek cu Aksel Samardzic, pa hasi lo maximo pa gana pa bai final. Despues di un bataya duro, nan soño a bira realidad, pues di hunga final di Nations Cup. E celebracion tabata grandi. 

No a tarda hopi, cu e dos teamnan cu a disputa e final a subi veld. Aruba contra Italia pa wak ken lo bai cu e titulo di campeon. Bo por a sinti e energia, no unicamente riba veld, pero tambe rond di e veld. Tur cu tabata presente a presencia un tremendo wega, pero lamentablemente e ekipo di Italia tabata demasiado fuerte y asina aki ta gana Aruba.

Cu e resultado aki, nos por unicamente aproba, cu nos hungadornan local ta riba e bon caminda. Cu nan por mira e resultado di tur nan esfuerso cu nan ta hinca den e deporte aki, pa nan ta bon prepara pa e tipo di eventonan grandi asina aki. E potret nan mes ta refleha e alegria riba cada un nan cara. Nos Sarah Quita Offringa, campeon mundial den surfing tabata tin e honor di entrega premio na e ekiponan

Pa mas información riba weganan, por bishit nos website na www.arubabeachtennisopen.com 

  • Baluarte di baseball ‘Chipen’ Chirino a fayece

    Baluarte di baseball ‘Chipen’ Chirino a fayece

    ORANJESTAD - E baluarte den deporte Francisco 'Chipen' Chirino a bay sosega diaranson. Chirino tabata un nomber grandi den deporte di baseball, sigur Little League, y recientemente ainda a haya reconocemento di ASU. Keda pendiente pa mas informacion riba e bida remarcable di e personahe aki den deporte. 

  • ASU Olimpiada 2019 exitoso cu seminario di Aruba Karate Bond

    ASU Olimpiada 2019  exitoso cu seminario di Aruba Karate Bond

    ORANJESTAD -  En conexion cu e ASU Olimpiada 2019, Aruba Karate Bond tabata tin e placer di ricibi ‘Sensei’ Edgar Albakian for di Venezuela pa duna un siman di seminario na tur miembro di AKB. ‘Sensei’ Edgar Albakian ta un 6to Dan di WKF, 4to Dan Kobudo, arbitro di e federacion mundial di karate y asesor tecnico internacional. 

  • Arco Iris Kleuterschool ta organisa un ‘Fun Walk'

    Arco Iris Kleuterschool ta organisa un ‘Fun Walk'

    ORANJESTAD - Comision di Mayor di Arco Iris Kleuterschool ta organisa diasabra 30 di november proximo un “Fun Walk” pa recauda fondo pa e scol. Ruta di e “Fun Walk” ta Linear Park. E caminta ta cuminsa na altura di Do It Center na Camacuri y finalisa na Linear Park. Tur participante por registra for di 4’or di atardi dilanti DO it Center na Camacuri.          Pa 4:45 lo tin un “warm up” Zumba duna pa instructor Dwayne Wever y e “Fun Walk” lo cuminsa 5’or. Tin posibilidad pa cana 1km, 3 km of 5 km.  Carchi pa participa den e “Fun Walk” ta na balor di 5 florin. E tema di e aña aki ta e colornan di Arco Iris. Comision di Mayor ta invita un y tur, sera bo grupo, bira creativo cu e colornan di Arco Iris y participa na e tremendo “Fun Walk” . Pa carchi por tuma contacto cu e comision di mayor na [email protected] 

  • Aruba Karate Bond a distancia su mes di ‘International Karate Cup 2019’

    Aruba Karate Bond a distancia su mes di ‘International Karate Cup 2019’

    ORANJESTAD - Aruba Karate Bond a distancia su mes di ‘International Karate Cup 2019’. Asina nan a informa pa medio di un comunicado.  “Pa medio di e comunicado di prensa aki, nos di Aruba Karate Bond, e federacion oficial di karate, ta declara cu e ‘Aruba International Karate Cup 2019’ cual ta tuma luga e weekend aki na Renaissance Convention Center, ta un competencia cual no ta aproba door di e federacion oficial di karate di Aruba. Aruba Karate Bond ta e miembro oficial di WKF, PKF, CKF, ASU (Aruba Sport Unie) y COA (Comite Olimpico Aruba)” e comunicado ta bisa.  Como tal segun e comunicado, como e Federacion di Karate oficial di Aruba, Aruba Karate Bond ta distancia su mes totalmente di e evento/campeonato aki.

  • TARA fishing Team ta gana Aruba Nautical 55th Classic International Billfish Tournament

    TARA fishing Team ta gana Aruba Nautical 55th Classic International Billfish Tournament

    ORANJESTAD - Diadomingo tawata e dia final di Aruba Nautical su fishing tournament caminda e Yate Tara cu Capitan Alex Elias Mansur a bay cu e titulo maximo. Nan a catch and release 1 Blue Marlin, 4 White Marlin I 2 Sailfish.

  • Participa pa un bon causa den e di 3 edicion di ‘Diabetes Walk & Run 2019’

    Participa pa un bon causa den e di 3 edicion di ‘Diabetes Walk & Run 2019’

    ORANJESTAD – E di 3 edicion di “Diabetes Walk & Run 2019” ta cla pa bo inscripcion. E evento ta pa trece conocimento di World Diabetes Day y di diabetes como un malesa. Na Aruba, aproximadamente 16% di e populacion tin diabetes, esaki ta dobel di e averahe di mundo cu ta 8%. 

  • Powered by SETAR